Maelezo zaidi - Kilimoznz.or.tz

UZINDUZI WA KILIMO CHA MPUNGA KWA MSIMU
WA MWAKA 2011/2012 CHEJU
Mpunga ni miongoni mwa mazao yanayolimwa sana hapa visiwani, mpunga ukiwa tayari shamban,
huvunwa, huanikwa, hupigwa/hupukuchuliwa, hupetwa na kukubolewa ili kupatikana mchele ambao
tumika kwa mapishi ya vyakula aina mbali mbali kama vile wali, pilau, biriani, mikate na chila. Wakaazi
wengi wa visiwa vya Unguja na Pemba hupoendelea kula wali ambao unatokana na mpunga.
Licha ya kua na mazao mengi ya kibiashara pamoja na chakula lakini moja ya chakula ambacho
kinawavutia wakaazi wengi wa visiwa hivi ni wali.
Wakulima wa visiwa vya Unguja na Pemba wanajishughulisha na kilimo cha mpunga kwa miaka mingi kwa
lengo la kujipatia chakula chao, ni dhana ambayo ilijengeka miongoni mwa wakulima wengi
waliojishughulisha na kilimo hicho.
Katika kukiinua kilimo hicho cha mpunga Serikali ya Mapinduzi ya Zanzibar imeamua kufanya mabadiliko
makubwa kwa kukifanya kilimo cha mpunga
kiwe cha kibiashara kwa kuwaekea
miiundombinu bora katika maeneo ya
uzalishaji, kutoa ruzuku kwa pembejeo
muhimu za kilimo na kuwapatia wakulima
taaluma bora za uzalishaji ili kufikia lengo
lililokusudiwa.
Rais wa Zanzibar na Mwenyekiti wa Baraza
la Mapinduzi Mhe. Dr. ALI MOHAMMED
SHEIN aliyabainisha hayo huko Cheju,
Wilaya ya Kati, Mkoa wa Kusini Unguja
wakati wa uzinduzi wa msimu wa mpunga
kwa mwaka 2011‐2012.
Shughuli ambayo ilihudhuriwa na viongozi
wengine wa Serikali wakiwemo Wakuu wa
Mikoa, Wakuu wa Wilaya, Waziri wa
Miudombinu, Kaimu Waziri wa Kilimo,
Katibu Mkuu, Manaibu Katibu Mkuu,
Wakurugenzi na maafisa kutoka Wizara ya
Kilimo pamoja na wakulima mbalimbali wa

kilimo cha Mpunga.
Amesema kuwa Serikali imeamua kufanya mabadiliko ya kilimo hicho kuwa cha kibiashara kutokana na
matumizi bora ya nyenzo za kilimo zitakazotumiwa na wakulima wake.
Amafahamisha kua kilimo ndio njia pekee ya kuwapatia wananchi chakula cha uhakika pia ndio jambo
ambalo Ulimwengu mzima hivi sasa unalitilia mkazo, hivyo hatuna budi kuongeza nguvu zaidi katika kilimo
chetu ili tuweze kulima kwa tija na kilimo chetu kiwe cha kisasa.
Amesema kupitia Shirika la Chakula Duniani (FAO) pamoja na mashirika mengine ya maendeleo likiwemo
IFAD yanaendelea kuzishajiisha nchi zote duniani ziweze kuzalisha mazao ya chakula kwa wingi na
kujitosheleza kwa chakula.
Dr. Shein alieleza kua hali ya dunia hivi sasa imebadilika kutokana na matatizo ya kiuchumi jambo ambalo
linasababisha kupanda kwa bei za vyakula mara kwa mara na kufanya hali ya thamani ya fedha
kutotabirika.
Dr. Shein alisema kua matarajio ya Serikali ni kukibadilisha kilimo cha mpunga na kulifanya bonde la
mpunga la Cheju kuwa la kisasa katika kilimo cha mpunga kwa kuzilima hekta zote 3000 zilizopo ili liweze
kuchangia upatikanaji wa chakula kwa Zanzibar yote. Hali ambayo itaweza kulibadilisha bonde hilo na
kuwa tofauti na ile ya zamani.
Amefahamisha kua kutokana na hatua hiyo lengo na matarajio kwa msimu wa 2011/1212 ni kupata tani
5000 za mpunga katika bonde hilo linaweza kufikiwa kutokana na juhudi zinazochukuliwa na Serikali
kupitia Wizara ya Kilimo na Maliasili kwani mipango yote ya kuwapatia wakulima wake huduma bora za
kilimo imeshapangwa.
Dr Shein amewataka wakulima wa bonde la Cheju kupanda mbegu ya aina moja ili iwe rahisi wakati wa
mavuno sambamba na utumiaji wa mbegu bora, mbolea na taaluma bora za uzalishaji.
Pamoja na uzinduzi huo Dr. Shein alitoa pongezi za dhati kutokana na juhudi kubwa zilizochukuliwa na
mafundi wa matrekta wa Unguja na Pemba za kufanya matengenezo kwa wakati. Jumla ya matrekta 21
yalifanyiwa matengenezo yakiwemo 14 Unguja na 7 Pemba.
DR. Shein pia alivipongeza vikundi vya wakulima vya bonde la Cheju kwa kuchangia asilimia 80 ya gharama
na kupelekea kuanza kulimiwa katika bonde lao kwa wakati.

Akielezea juu ya mikakati iliopo ya barabara ya Jendele‐Cheju‐Unguja ukuu kaibona, Waziri wa
Miundombinu na Mawasliano Mhe. Hamad Masoud alieleza kua utaratibu wa ujenzi huo unafanyiwa kazi
na hivi karibuni watapatikana makandarasi wa kujenga barabara hiyo kwa kiwango cha lami.
Nae Kaimu Waziri wa Kilimo na Maliasili Mhe. Ramadhan Abdalla Shaaban aliwataka wakulima wa bonde
hilo kuiunga mkono Wizara ya Kilimo na Maliasili kutokana na jitihada zake inazozichukua katika kuwasidia
wakulima hao.
Akitoa ufafanuzi juu ya maendeleo ya kilimo kwa msimu huu Naibu Katibu Mkuu (Kilimo) ndugu Juma Ali
Juma alisema kuwa wizara imeshafanya maandalizi ya kuagiza mbegu ya kutosha kutoka Tanzania Bara
kwa msimu huu kwa ajili ya kugaiwa kwa wakulima kwa sasa tayari imeshanunua tani 141 za mbegu
sambamba na kufanya maandalizi ya mbegu ya NERICA.
Amaefahamisha kua kwa mwaka ujao 2012 eneo lote la bonde hilo litakua la kilimo cha umwagiliaji maji
ambapo tayari wataaalamu kutoka Korea washawasili.
Nd. Juma amesema kua
katika kukiimarisha kilmo
hicho Wizara imeamua
shughuli zote za kilimo
zitasimamiwa na wakulima
wakulima wenyewe kupitia
Jumuiya zao. Jumla ya vituo
20 vimetegwa Unguja na
Pemba. Aliendelea kueleza
kuwa Wizara imesamua
kuliteua bonde la cheju kuwa
eneo tengefu la mbegu ili
liweze kuleta tija na manufaa
kwa Taifa.
Nao wakulima wa Zanzibar
katika risala yao walieleza
kufarijika kwao na
kumpongeza Dr.Shein
kutokana na jitihada anazozichukua katika kukipa kipaumbele kilimo cha mpunga na kuweza kushiriki
katika shughuli mbalimbali za kilimo.
Aidha walitoa pongezi kutokana na bajeti ya Wizara ya Kilimo ya mwaka 2011/2012 ilivyowaona wakulima
kwa kuwapatia ruzuku ya pembejeo kwa asilimia 50.
Wakieleza changamoto zinazowakabili katika ukulima wa mpunga ni pamoja na tatizo la ujenzi kwenye
mabonde ya mpunga na wanaiomba Serikali kufuatilia kwa kina suala hilo ikiwa ni pamoja na kutunga
sheria itakoyozuia ujenzi katika mabonde ya mpunga.