Raport - Romet dhe Riciklimi i Mbetjeve ne Korce - EPER Center

34
Raport “Romët dhe Riciklimi i Mbetjeve në Korçë”
o Organizatat apo programet donatore duhet të hartojnë programe në mbështetje të
komunitetit Rom e sidomos për kolektorët Rom në koordinim me njësitë e qeverisjes
vendore.
o Programet duhet të marrin në konsideratë aspekte të ndryshme si ngritjen e kapaciteteve
të kolektorëve për përdorimin e pajisjeve të nevojshme, sensibilizimin e tyre për të
eliminuar punën e fëmijëve dhe për të nxitur arsimimin e tyre, aftësimin e kolektoreve për
të kryer llogaritje të thjeshta për të kuptuar nocionet e të ardhurave, shpenzimeve dhe
kursimeve.
o Programet donatore kur kanë mundësi duhet të krijojnë skema garancie dhe të
bashkëpunojnë me institucionet mikrofinanciare në mënyrë që t’u lehtësojnë kolektorëve
Rome aksesin në financim.
Rekomandime për Shoqatën e Ricikluesve të Shqipërisë
o Duhet të ndërmarrë më shumë aktivitete promovuese për riciklimin mbetjeve dhe
veçanërisht për punën e madhe të kolektorëve Rom në riciklimin e mbetjeve në Shqipëri.
Në këtë mënyrë do të rritet ndërgjegjësimi qytetar për rëndësinë e riciklimit dhe punën e
kolektorëve Romë, të cilët jo vetëm pastrojnë mjedisin por i kthejnë mbetjet në vlera
monetare duke u vetëpunësuar. Pra, riciklimi është një proces me efekte pozitive
mjedisore, ekonomike dhe sociale.
o Duhet të koordinohet me shoqatat Rome për të gjetur skema më të përshtatshme
bashkëpunimi me kolektorët Romë në mënyrë që ata të kenë më shumë mundësira fitimi
nga ky aktiivtet.
o Duhet të hartojë një listë me materialet e riciklueshme për të cilat kanë interes kompanitë
e riciklimit dhe të publikojë çmimet e këtyre materialeve në bazë javore. Të gjithë këtë
duhet t’ua verë në dispozicion periodikisht, çdo javë, përfaqësuesve të komunitetit Rom
nëpërmjet shoqatave të tyre, ndonjë buletini onlinë apo duke ua komunikuar direkt në
momentin që kryehen transaksione / lëvrim i materialeve të riciklueshme në kompanitë
përkatëse të riciklimit.
Rekomandime për Shoqatat Rome
o Duhet të sensibilizohen për rreziqet që u kanosen fëmijëve Rom nga puna e vështirë me
mbetjet, t’i largojnë ata nga puna dhe t’i motivojnë familjet Rome që fëmijët të
frekuentojnë shkollën.
o Duhet të punojnë në drejtim të bashkimit në grupe të kolektorëve Rom, sipas familjeve
apo zonave ku ata jetojnë, për të krijuar koperativa në të cilat të mund të grumbullohen të
gjithë materialet e riciklueshme të një grup kolektorësh dhe duke i lehtësuar kolektorët e
koperativës drejt shitjes me shumicë të mbetjeve të riciklueshme tek kompanitë e
riciklimit.
o Duhet të marrin informacion dhe të krijojnë lidhje me shoqatat mjedisore të cilat mund t’i
ndihmojnë ato dhe kolektorët Rom në disa drejtime: për të lobuar për të drejtat e tyre, për
të ngritur kapacitetet në fushën e mbetjeve, për të ndërmjetesuar lidhjen e tyre me
kompanitë e riciklimit si edhe për t’i informuar ata në lidhje me projekte të ndryshme
donatore nga të cilat Romët mund të përfitojnë.