jamhuri ya muungano wa tanzania - Ministry of Livestock and ...

(xii) Kuhimiza wafugaji kutekeleza kanuni za ufugaji bora na kuingia katika
ufugaji endelevu wa kisasa na kibiashara unaozingatia hifadhi ya
mazingira.
Utekelezaji:
Wizara kwa kushirikiana na Halmashauri na wadau wengine imeendelea
kuhamasisha wafugaji kufuga kisasa kwa kutekeleza yafuatayo:-
(a) Kutoa elimu kwa wafugaji kuhusu kanuni za ufugaji bora;
(b) Kutekeleza Sheria na Kanuni mbalimbali zinazosimamia sekta ya
mifugo;
(c) Kutekeleza mpango wa kuendeleza malisho, ambapo sekta binafsi
imewekeza katika uzalishaji wa malisho bora na kuzalisha marobota
509,980 ya hei;
(d) Kuboresha kosaafu za mifugo kwa njia ya uhimilishaji na matumizi ya
mbegu bora;
(e) Kujenga na kukarabati miundombinu kwa ajili ya mifugo kupitia miradi
ya DADPs na DASIP;
(f) Kudhibiti magonjwa ya mifugo kwa kutoa chanjo na kuogesha mifugo;
na
(g) Kuhamasisha unenepeshaji wa ng’ombe na ujenzi wa machinjio za
kisasa.
(xiii) Kuhamasisha uanzishaji na uimarishaji wa vikundi vya ushirika wa
wafugaji.
Utekelezaji:
Wizara imeendelea kuhamasisha uimarishaji wa vikundi vya wafugaji ambapo
jumla ya vikundi 1,728 vya wafugaji vimeundwa. Lengo ni kuwa na vikundi
ambavyo vinaweza kusajiliwa na hivyo kuwa na uwezo wa kupata mikopo,
kuwa na nguvu kwenye soko kuhusu bei ya mazao yao na kupata elimu ya
ufugaji bora na wa kibiashara kwa pamoja.
(xiv) Kuhamasisha ushirikishwaji wa sekta binafsi katika utoaji wa huduma
mbalimbali za mifugo.
Utekelezaji:
Wizara kwa kushirikiana na TAMISEMI imehamasisha Halmashauri 105 na
vyama vya kitaaluma vya Tanzania Veterinary Association (TVA), Tanzania
Veterinary Para-proffesional Association (TAVEPA) na Tanzania Society of
9