jamhuri ya muungano wa tanzania - Ministry of Livestock and ...

Hifadhi ya Mazingira na Mabadiliko ya Tabianchi
137. Mheshimiwa Spika, ili kukabiliana na athari za mabadiliko ya tabia
nchi katika sekta za mifugo na uvuvi, Wizara kwa kushirikiana na wakala wa
hali ya hewa nchini, iliendelea kutoa taarifa za tahadhari kwa wadau wa sekta
hizo kuhusu mwenendo wa hali ya hewa. Katika sekta ya mifugo, mwenendo
wa tahadhari za kupungua kwa upatikanaji wa maji na malisho ziliendelea
kutolewa na mikakati ya kupata takwimu za mwenendo wa hali ya mifugo
zimeainishwa katika mikoa. Aidha, wilaya za Ngorongoro, Monduli, Longido na
Meatu zilikuwa na upungufu wa maji na malisho mwanzoni mwa mwaka 2011.
Mikoa zaidi ya 14 ilikuwa na mvua za masika chini ya wastani, hivyo kuwa na
maeneo yatakayokuwa na upungufu wa malisho na maji wakati wa kiangazi.
138. Mheshimiwa Spika, Wizara imeendelea kuelimisha na kuhamasisha
wafugaji kuhifadhi mazingira na kuwa na matumizi endelevu ya rasilimali
katika ardhi. Aidha, kwa kushirikiana na Shirika la Maendeleo la Uholanzi
(SNV) inaendelea kuelimisha wafugaji kuhifadhi mazingira kwa kupunguza
ukataji miti na kuhamasisha matumizi ya biogas kama nishati mbadala
ambapo jumla ya wataalam 15 wamepatiwa mafunzo ya matumizi ya
mitambo ya gesi inayotokana na samadi ya ng’ombe. Vilevile, mitambo
mitano (5) ya mfano inajengwa katika wilaya za Mwanga (1), Same (2) na
Longido (2).
Katika mwaka 2011/2012, Wizara itakamilisha na kusambaza Mwongozo wa
Matumizi ya Biogesi kwa Wafugaji wa Asili na kuhamasisha Halmashauri 20
kuhusu ujenzi, utumiaji na matengenezo ya mitambo.
Maadhimisho na Makongamano Muhimu katika Sekta za Mifugo na
Uvuvi
Maonesho ya Nanenane
139. Mheshimiwa Spika, katika mwaka 2010/2011, Wizara kwa
kushirikiana na wadau wa Sekta za Mifugo na Uvuvi ilishiriki katika
maadhimisho ya sikukuu ya wakulima nchini – NaneNane. Maadhimisho hayo
yalifanyika kitaifa mkoani Dodoma na kauli mbiu ya maonesho hayo ilikuwa ni
“Kilimo Kwanza – Mapinduzi ya Kijani, Uhakika wa Chakula na
Kipato”. Katika maonesho hayo, Wizara na wadau walionesha matumizi ya
teknolojia mbalimbali za kuongeza uzalishaji wenye tija. Aidha, umma
ulielimishwa kuhusu Sera, Sheria, Kanuni na miongozo mbalimbali ya Sekta za
Mifugo na Uvuvi.
70