jamhuri ya muungano wa tanzania - Ministry of Livestock and ...

wafugaji. Vilevile, Serikali imeendelea kuhamasisha sekta binafsi kuwekeza
katika uzalishaji wa mitamba kwa kuwapatia mafunzo ya mbinu za ufugaji
bora na ziara za mafunzo ndani na nje ya nchi.
(vii) Kufufua na kujenga majosho na malambo mapya kwa ajili ya mifugo na
kuhimiza uogeshaji endelevu.
Utekelezaji:
Serikali kupitia DADPs na DASIP imekarabati majosho 30 na malambo 20 na
kujenga majosho 37 na malambo 62. Aidha, ili kuhimiza uogeshaji endelevu,
Serikali ilinunua lita 109,389 za dawa za kuogesha mifugo kwa kutoa ruzuku
ya shilingi bilioni 1.82 na kuzisambaza katika Halmashauri zote nchini.
(viii) Kuimarisha utafiti wa mifugo kwa kuboresha na kuhifadhi kosaafu za
mifugo ya asili ili kuongeza uzalishaji endelevu.
Utekelezaji:
Wizara imeimarisha utafiti wa mifugo wenye lengo la kuboresha na kuhifadhi
kosaafu za mifugo ya asili kwa kukusanya na kuchambua takwimu mbalimbali
za maendeleo ya ukuaji na uzalishaji kwa mbari za mifugo ya asili kwa mifugo
ifuatayo:
(a) Ng’ombe 44 wa aina ya Ufipa, 3O aina ya Ankole, na 20 aina ya
Singida White;
(b) Mbuzi 60 aina ya Pare White, 30 Sonjo Red, 93 Gogo White na 125
Newala na Kondoo 100 aina ya Red Maasai; na
(c) Kosaafu za mbari za kuku 50 wa Kawaida, 35 Sasamala, 45 Kishingo,
41 Kisunzu, 39 Bukini, 39 Kuchi, 25 Mtewa, 26 Kuza, 49 Sukuma, 41
Msumbiji na 26 Njachama.
(ix) Kuimarisha huduma za ugani na mafunzo ya watalaam na wafugaji.
Utekelezaji:
Wizara imeendelea kuimarisha huduma za ugani na mafunzo ya watalaam na
wafugaji kwa kutekeleza yafuatayo:-
(a) Kukarabati na kuvipatia vitendea kazi vyuo sita (6) vya Mafunzo ya
Mifugo ambapo, kompyuta 12, basi 1, trekta 3 na zana zake, madawati
55, vitanda na magodoro 68 vimenunuliwa na kukarabati madarasa
mawili (2), mabweni matano (5) na bwalo moja (1) la chakula;
7