jamhuri ya muungano wa tanzania - Ministry of Livestock and ...

madaftari 448), Mwanza (chapa 1,236, madaftari 618), na Kagera (chapa
773, madaftari 386). Kazi nyingine zilizofanyika ni:-
(i) Kutoa mafunzo kwa wataalam 110 kutoka Halmashauri za Kanda ya
Ziwa juu ya mfumo wa Utambuzi, Usajili na Ufuatiliaji wa Mifugo;
(ii) Kutoa mafunzo kwa Wakaguzi wa Ustawi wa Wanyama 95 kutoka
Halmashauri za Nyanda na Juu Kusini (30) na Kanda ya Ziwa (65) juu ya
usimamizi wa Sheria ya Ustawi wa Wanyama;
(iii) Kuandaa nakala 5,000 za vipeperushi vya kitaaluma na kuvisambaza
wakati wa maonesho ya Nanenane ya mwaka 2010, wiki ya Utumishi
wa Umma, wiki ya Uhamasishaji wa Unywaji wa Maziwa na matukio
mengine ya Kitaifa;
(iv) Kusajili wafugaji 8,185 na kuwatambua kwa chapa ya kitaifa (branding)
ng’ombe 93,793 katika mikoa ya Kagera, Mara, Shinyanga, na Mwanza;
na
(v) Kuunda na kuzindua Baraza la Ushauri wa Ustawi wa Wanyama kwa
mujibu wa Sheria ya Ustawi wa Wanyama, Sura ya 154 (The Animal
Welfare Act, Cap 154) na kuliwezesha kufanya vikao viwili (2).
Katika mwaka 2011/2012, Wizara itatekeleza kazi zifuatazo:-
(i) Kutoa mafunzo kwa wataalam 100 wa mifugo katika Halmashauri
kuhusu usimamizi na uendeshaji wa mfumo wa utambuzi, usajili na
ufuatiliaji mifugo na mazao yake;
(ii) Kutengeneza benki ya takwimu ya kitaifa ya kumbukumbu za utambuzi,
usajili na ufuatiliaji mifugo (Livestock Identification and Traceability
Database);
(iii) Kuratibu utekelezaji wa mfumo wa utambuzi, usajili na ufuatiliaji mifugo
katika ufugaji wa asili na ufugaji wa kibiashara kwa kusajili wafugaji
300,000 na kutambua ng’ombe 600,000;
(iv) Kuwajengea uwezo wakaguzi 200 wa Halmashauri kuhusu usimamizi
wa Sheria ya Ustawi wa Wanyama;
(v) Kutoa elimu kuhusu Sheria ya Utambuzi, Usajili na Ufuatiliaji mifugo
kwa wafugaji na wadau wengine;
(vi) Kuratibu na kusimamia uzingatiaji wa ustawi wa wanyama nchini; na
(vii) Kuliwezesha Baraza la Ushauri la Ustawi wa Wanyama kutekeleza
majukumu yake.
Huduma za Ugani katika Sekta za Mifugo na Uvuvi
Sekta ya Mifugo
99. Mheshimiwa Spika, Wizara iliendelea kutoa huduma za ushauri kwa
wafugaji ili kuwawezesha kuongeza ubora wa mifugo na mazao yatokanayo
52