jamhuri ya muungano wa tanzania - Ministry of Livestock and ...

(ii) Kununua mitego ya mbung’o 155, vitambaa vya kutengenezea vyambo
mita 4,000, viuatilifu aina ya Glossinex lita 35, mabomba ya
kunyunyizia viuatilifu 150, ‘masks’ za mdomo na pua 2,000 na glovu
1,000. Vifaa hivyo vilisambazwa katika Halmashauri za Mikoa ya Rukwa
(Mpanda, Nkasi na Hifadhi ya Taifa ya Katavi); Lindi (Lindi Vijijini, Kilwa,
Nachingwea); Pwani (Kisarawe, Bagamoyo, Rufiji); Kigoma (Kibondo);
Tabora (Urambo); Tanga (Handeni na Pangani); Arusha (Monduli);
Kagera (Karagwe, Missenyi); na Taasisi ya Utafiti wa Ndorobo – Tanga;
(iii) Kufanya uchunguzi na tathmini ya mtawanyiko wa mbung’o katika Mikoa
ya Rukwa, Dodoma na Singida ili kuchora ramani mpya. Aidha, tathmini
ya awali ya mtawanyiko wa mbung’o inaonesha kupungua kwa eneo
lenye mbung’o hapa nchini kutoka asilimia 60 mwaka 1967 hadi asilimia
43 mwaka 2010 kutokana na udhibiti wa mbung’o, shughuli za kilimo
na makazi. Maeneo yenye kukaliwa zaidi na mbung’o ni Mbuga na
Hifadhi za Wanyamapori; na
(iv) Kuendelea kutekeleza Mpango wa Kutokomeza Mbung’o na Ndorobo
Barani Afrika (Pan African Tsetse and Trypanosomosis Eradication
Campaign - PATTEC) kwa kufuatilia taarifa za ugonjwa wa Nagana
katika mikoa ya Rukwa, Pwani na Manyara na kununua vifaa vya
uchoraji ramani na kompyuta. Aidha, mafunzo kuhusu matumizi ya
mtandao wa kutathmini mtawanyiko wa malale yametolewa kwa
wataalam 15 wa Wizara za Maendeleo ya Mifugo na Uvuvi na Afya na
Ustawi wa Jamii, Taasisi ya Taifa ya Utafiti wa Magonjwa ya Binadamu
(NIMR) na Taasisi ya Utafiti wa Rasilimali ya Chuo Kikuu cha Dar es
Salaam (IRA).
81. Mheshimiwa Spika, katika mwaka 2011/2012, Wizara itaendelea na
utekelezaji wa mkakati wa kudhibiti mbung’o na ndorobo kwa kutekeleza kazi
zifuatazo:-
(i) Kuhamasisha Halmashauri za Mikoa ya Arusha, Singida na Tanga,
kuhusu matumizi ya mbinu shirikishi na endelevu za kudhibiti mbung’o
na ndorobo;
(ii) Kununua vifaa vya kudhibiti mbung’o na ndorobo kama viuatilifu, mitego
na vyambo vya kuua mbung’o na kuvisambaza katika Halmashauri za
mikoa ya Lindi, Pwani, Tabora, Morogoro na Dodoma; na
(iii) Kuchunguza na kutathmini mtawanyiko wa mbung’o na kuchora ramani
mpya katika mikoa ya Mbeya, Pwani na Morogoro.
Udhibiti wa Magonjwa ya Mifugo yanayoambukiza Binadamu
45