jamhuri ya muungano wa tanzania - Ministry of Livestock and ...

mashamba ya Serikali (Jedwali Na. 7a) na 420,100 kutoka sekta binafsi
(Jedwali Na. 7b). Mbegu za malisho zilizozalishwa zimesambazwa kwa
wafugaji na taasisi katika Mikoa ya Arusha, Dar es Salaam, Dodoma,
Morogoro, Mtwara na Pwani, pamoja na nchi ya Uganda.
Kazi nyingine zilizotekelezwa ni pamoja na:-
(i) Kuimarisha vikundi 1,265 vya wafugaji wa asili na kuwezesha uundaji
wa uongozi wa juu wa Umoja wa Wafugaji Kanda ya Mashariki
(UWAKAMA) kutoka mikoa ya Pwani na Morogoro. Vilevile, kwa
kushirikiana na shirika lisilo la kiserikali Care International Tanzania,
jumla ya vyama vya kiraia 40 vilipatiwa mafunzo mbalimbali kuhusu
sheria za Ardhi na taratibu za kumilikishwa ardhi kwa wafugaji wa asili
chini ya mfuko wa kuendeleza ufugaji wa asili (Pastoral Basket Fund).
Mfuko huu unafadhiliwa na Irish Aid na IFAD/ILC;
(ii) Kushiriki katika usuluhishi wa migogoro ya matumizi ya ardhi kati ya
mwekezaji na jamii ya wafugaji wa vijiji 22 vya Wilaya ya Ngorongoro;
(iii) Kuhamasisha na kuratibu mipango ya matumizi ya ardhi katika wilaya 4
za Kondoa, Kiteto, Bahi na Chamwino chini ya Mradi wa Usimamizi
Endelevu wa Nyanda za malisho unaofadhiliwa na IFAD na ILC;
(iv) Kuwajengea uwezo wataalam kutoka Wilaya 45 kuhusu uzalishaji,
uhifadhi na matumizi ya malisho na ukaguzi wa vyakula vya mifugo;
(v) Kutoa mafunzo kwa wataalam 40 katika Halmashauri 40 kuhusu
matumizi ya Geographical Information System (GIS);
(vi) Kutoa mafunzo kuhusu ukusanyaji wa takwimu katika mfumo wa
tahadhari ya majanga kwa wataalam 65 kutoka mikoa ya Arusha (9),
Dodoma (7), Kilimanjaro (9), Manyara (7), Mara (6), Mwanza (8),
Shinyanga (10) na Singida (9); na
(vii) Kuandaa kanuni nne (4) za kusimamia utekelezaji wa Sheria ya Maeneo
ya Malisho na Rasilimali ya Vyakula vya Wanyama Na. 13 ya Mwaka
2010.
Katika mwaka 2011/2012, Wizara itatekeleza kazi zifuatazo:-
(i) Kukarabati na kuyawezesha mashamba nane (8) ya kuzalisha mbegu
bora za malisho ili kuzalisha tani 50 za mbegu na marobota 360,000 ya
hei;
(ii) Kuratibu na kuwezesha Wiki ya Ufugaji wa Asili kwa kushirikiana na
wadau mbalimbali;
(iii) Kuandaa kanuni chini ya Sheria Na. 13 ya Nyanda za Malisho na Vyakula
vya Wanyama ya mwaka 2010;
(iv) Kuhamasisha matumizi endelevu ya rasilimali ardhi ili kupunguza
migogoro kati ya wafugaji na watumiaji wengine wa rasilimali ardhi;
39