jamhuri ya muungano wa tanzania - Ministry of Livestock and ...

(g) Kutoa mafunzo kwa wadau 1,935 kutoka Halmashauri 16 za mwambao
wa pwani kuhusu mwenendo na mahitaji ya soko la Kimataifa la mazao
ya uvuvi.
(viii) Kuhamasisha wawekezaji wa ndani na wa nje kuwekeza katika uvuvi
kwenye Bahari Kuu.
Utekelezaji:
Wizara imeendelea kuhamasisha wawekezaji wa ndani na wa nje kuwekeza
katika uvuvi kwenye Bahari Kuu kwa kufanya yafuatayo:-
(a) Kuwezesha Mamlaka ya Usimamizi wa Uvuvi katika Bahari Kuu
kufanya kazi zake kwa lengo la kusimamia uvuvi katika Bahari Kuu;
(b) Kuweka vifaa vya kuvutia samaki (Fish Aggregating Devices – FADs)
kwenye Ukanda wa Uchumi wa Bahari;
(c) Kujenga kituo cha hali ya bahari (Satellite Receiving Station) katika
ofisi za TAFIRI - Kunduchi cha kubaini maeneo yenye samaki wengi
katika tabaka la juu la maji kwenye Bahari ya Kitaifa (Territorial Sea)
na Ukanda wa Uchumi wa Bahari;
(d) Kufunga kifaa cha kufuatilia mienendo ya meli za uvuvi (Vessel
Monitoring System) katika bahari kwa ajili ya usalama wa meli na
kudhibiti uvuvi haramu; na
(e) Kufanya mikutano mbalimbali na wawekezaji wa ndani na nje kuhusu
kuwekeza katika Ukanda wa Uchumi wa Bahari.
(ix) Kuimarisha na kuendeleza uanzishwaji wa maeneo tengefu kwenye
maziwa makuu hususan Ziwa Victoria, Tanganyika na Nyasa.
Utekelezaji:
Wizara kwa kushirikiana na wadau wa sekta, inaendelea na taratibu za
kurekebisha Sheria ya Hifadhi za Bahari na Maeneo Tengefu (Marine Parks
and Reserves Act ) Na 29 ya mwaka 1994 ili kuingiza kipengele cha kuanzisha
maeneo tengefu kwenye maji baridi.
(x) Kuhamasisha uimarishaji na uanzishaji wa vikundi vya ushirika wa wavuvi
na wafugaji wa samaki.
Utekelezaji:
Wizara imeendelea kuhamasisha wananchi kuanzisha vikundi vya ushirika wa
wavuvi na wafugaji wa samaki kwa kufanya yafuatayo:-
13