jamhuri ya muungano wa tanzania - Ministry of Livestock and ...

(iii) Kuandaa na kutekeleza programu yenye malengo yanayopimika mwaka
hadi mwaka kuhusu haja ya kuleta mapinduzi ya uvuvi yanayotumia zana
na maarifa ya kisasa.
Utekelezaji:
Wizara kwa kushirikiana na wadau wa sekta ya uvuvi imekamilisha rasimu ya
Programu ya Kuendeleza Sekta ya Uvuvi ambayo itatekelezwa kwa kipindi cha
mwaka 2011/2012 hadi 2015/2016. Programu hii, imeainisha pamoja na
mambo mengine masuala ya uendelezaji wa uvuvi na ukuzaji wa viumbe
kwenye maji, uhifadhi wa rasilimali, matumizi endelevu ya rasilimali pamoja
na uhifadhi wa mazingira. Aidha, programu itahusisha uimarishaji wa huduma
za ugani, utafiti, mafunzo na upatikanaji wa takwimu sahihi za rasilimali ya
uvuvi. Pia, programu imeainisha maeneo ya kipaumbele yatakayotekelezwa
kwa kila mwaka.
(iv) Kuimarisha ushirikishwaji wa jamii na wadau katika ulinzi, usimamizi na
matumizi endelevu ya rasilimali za uvuvi.
Utekelezaji:
Wizara kwa kushirikiana na Halmashauri imeendelea kuwashirikisha wadau
katika ulinzi, usimamizi na matumizi endelevu ya rasilimali ya uvuvi kwa
kuanzisha vikundi vipya 23 vya Usimamizi Shirikishi wa Rasilimali za Uvuvi
(BMUs) katika Halmashauri za Kinondoni, Temeke na Mkuranga. Aidha,
vikundi 680 katika maeneo mbalimbali nchini vimeimarishwa kwa kuvipatia
mafunzo, vitendea kazi na kuviwezesha kuanzisha miradi midogo ya uzalishaji
ili viwe endelevu.
(v) Kuimarisha miundombinu ya uvuvi kwa kujenga mialo, masoko ya kisasa,
vituo vya kutotolea vifaranga vya samaki na maabara.
Utekelezaji:
Wizara imeendelea kuimarisha miundombinu ya uvuvi kwa kufanya
yafuatayo:-
(a) Kukarabati mialo 25 ya kushushia na kupokelea samaki katika ukanda
wa Ziwa Victoria na kujenga mialo mitatu (3) katika ukanda wa Pwani
na kuainisha maeneo ya kujenga mialo minne (4) katika ukanda wa
Ziwa Tanganyika;
(b) Wizara kwa kushirikiana na Halmashauri, imeendelea kuratibu
miundombinu ya masoko makubwa ya samaki ya Feri (Dar es Salaam)
na Kirumba (Mwanza) pamoja na masoko mengine ya samaki; na
11