hotuba ya waziri wa maendeleo ya mifugo na - Ministry of Livestock ...

More documents

Recommendations

Info

samaki, wafanya biashara, wavuvi na wadau mbalimbali wapatao 200 kutoka kanda ya ziwa Victoria. Aidha, mkutano wa pili ulifanyika tarehe 5 Mei, 2008 na kujadili hali ya uvuvi na biashara ya samaki na namna ya kudhibiti uvuvi na biashara haramu katika ziwa Victoria. 142. Mheshimiwa Spika, mkutano wa kuandaa Mkakati wa Kudhibiti Uvuvi wa Kutumia Baruti ulifanyika tarehe 2 Desemba, 2007 mjini Bagamoyo na kuhusisha viongozi wapatao 90 wa ngazi ya juu serikalini, mabalozi, mashirika na wadau mbalimbali ambapo kikundi kazi cha maafisa na watendaji wa serikali 13 kiliundwa ili kutekeleza mkakati huo. Aidha, tarehe 26 Aprili, 2008 kulifanyika mkutano Bandarini Dar es Salaam kati ya wadau wa uvuvi wa kambamiti na wajumbe wa Chama cha Wafanyakazi katika Meli za Uvuvi Tanzania (WAMEUTA). Katika kikao hicho, wanachama walipata nafasi ya kujadili kuhusu kupungua kwa rasilimali ya kambamiti na kufungwa kwa uvuvi wake, uvuvi haramu, hifadhi ya mazingira, uvuvi katika Bahari ya ndani na Bahari kuu. Katika kikao hicho, Wizara yangu ilitoa wito kwa wavuvi kuzingatia uhakiki wa ekolojia (Eco-Labelling for Fisheries Certification) ili kulinda soko la mazao ya uvuvi nje ya nchi. 143. Mheshimiwa Spika, kutokana na ukubwa wa tatizo la uvuvi haramu, tarehe 4 Julai, 2008, Mawaziri wa nchi za SADC za Angola, DRC, Madagascar, Mauritius, Msumbiji, Namibia, Afrika Kusini na Tanzania tunaosimamia sekta ya uvuvi tulifanya mkutano Windhoek, Namibia kujadili tatizo la uvuvi haramu baharini na kutoa tamko la pamoja la kupiga vita uvuvi na biashara haramu ya samaki na mazao yake. (ii) Mikutano ya Wadau wa Sekta ya Mifugo 144. Mheshimiwa Spika, Mkutano wa wataalam wa sekta ya mifugo ulifanyika tarehe 27 – 28 Novemba, 2007 katika Manispaa ya Arusha na kuwashirikisha wataalam wa mifugo kutoka Halmashauri zote nchini, taasisi mbalimbali za Serikali na sekta binafsi. Mkutano huu ulijadili utekelezaji wa majukumu ya sekta katika Halmashauri, Sekretariati za Mikoa, Taasisi za Wizara na wadau wengine na namna ya kuyaboresha. 145. Mheshimiwa Spika, Mkutano wa pamoja wa Vyama vya Wataalam wa Mifugo (Tanzania Veterinary Association - TVA na Tanzania Society for Animal Production - TSAP) ulifanyika tarehe 27 Novemba hadi 2 Desemba, 2007 katika Manispaa ya Arusha na kuwashirikisha wataalam wa mifugo kutoka ndani na nje ya nchi. Mkutano huo ulifunguliwa na Rais wa Jamhuri ya Muungano wa Tanzania, Mheshimiwa Jakaya Mrisho Kikwete na kufungwa na Mkuu wa Mkoa wa Arusha, Mheshimiwa Isidory Shirima. Kaulimbiu ya mkutano huo ilikuwa ni: “Sustaining Livestock Productivity in Challenging Tropical Environment as a Contribution Towards Achieving 52
Millenium Development Goals”. Katika mkutano huu, Mhe. Rais alitoa maagizo mbalimbali ambayo Wizara yangu inaendelea kuyafanyia kazi. (iii) Maadhimisho ya Shughuli za Wadau wa Sekta za Mifugo na Uvuvi 146. Mheshimiwa Spika, katika mwaka 2007/2008 Wizara yangu ilishiriki katika kuandaa, kuonesha na kuadhimisha Siku ya Wakulima, Nane Nane ambayo kitaifa ilifanyika katika viwanja vya Themi-Arusha kuanzia tarehe 1 hadi 8 Agosti 2007. Maonesho hayo ambayo Kaulimbiu ilikuwa “Punguza umaskini kwa kuzingatia kanuni za kilimo, ufugaji, ushirika na hifadhi ya mazingira” yalifungwa na Mhe. Jakaya Mrisho Kikwete, Rais wa Jamhuri ya Muungano wa Tanzania. Nachukua nafasi hii kuwashukuru viongozi wote, wadau mbalimbali na wananchi wa mikoa ya Kanda ya Kaskazini kwa kushiriki na kufanikisha maadhimisho hayo. Aidha, nawashukuru wananchi na viongozi walioadhimisha maonesho hayo katika kanda mbalimbali. Katika mwaka 2008/2009, Wizara yangu itashiriki katika kuandaa maadhimisho hayo ambayo kitaifa yatafanyika katika Manispaa ya Dodoma. Kaulimbiu ya maonesho hayo ni “Mapinduzi ya Kijani ndio Mkombozi wa Mtanzania”. 147. Mheshimiwa Spika, mwezi Juni kila mwaka wadau wa maziwa huadhimisha Wiki ya Unywaji Maziwa duniani kote kwa lengo la kuhamasisha unywaji wa maziwa ili kupanua soko la ndani na kuinua viwango vya utumiaji wa maziwa na mazao yake. Katika mwaka 2007/2008, Wiki ya Unywaji Maziwa iliadhimishwa kitaifa mkoani Rukwa kuanzia tarehe 29 Mei hadi 1 Juni 2008. Kaulimbiu ya maadhimisho hayo ilikuwa, “Fuga ng’ombe wa maziwa uongeze kipato na lishe”. 148. Mheshimiwa Spika, maadhimisho mengine ambayo Wizara yangu ilishiriki ni pamoja na; Siku ya Unywaji Maziwa Mashuleni, Siku ya Chakula Duniani, Siku ya Veterinari, Siku ya Kichaa cha Mbwa Duniani, Siku ya Wanyama Duniani na Wiki ya Utumishi wa Umma. 149. Mheshimiwa Spika, kwa ujumla, mikutano na maadhimisho yote niliyoyaeleza hapo juu yametoa changamoto, msukumo na mchango mkubwa katika kuboresha maendeleo ya Sekta za Mifugo na Uvuvi nchini. 53
Page 1 and 2: HOTUBA YA WAZIRI WA MAENDELEO YA MI
Page 3 and 4: samaki zenye thamani ya shilingi bi
Page 5 and 6: (b) Uzalishaji na Usindikaji wa Maz
Page 7 and 8: (f) Udhibiti wa Magonjwa ya Mifugo
Page 9 and 10: � Kuhamasisha Halmashauri za wila
Page 11 and 12: � Kujenga na kukarabati mialo 19
Page 13 and 14: (vi) Hifadhi za Bahari na Maeneo Te
Page 15 and 16: � Kuendelea kuhuisha na kuandaa m
Page 17 and 18: UTEKELEZAJI WA SERA NA SHERIA ZA MI
Page 19 and 20: (d) Wizara kwa kushirikiana na Wiza
Page 21 and 22: (b) Kufanya uchunguzi, utambuzi na
Page 23 and 24: Taasisi ya Utafiti wa Uvuvi Tanzani
Page 25 and 26: 40. Mheshimiwa Spika, katika mwaka
Page 27 and 28: 48. Mheshimiwa Spika, ili kuimarish
Page 29 and 30: ya Boran na madume 10 aina za Fries
Page 31 and 32: kanuni zitakazosimamia utaratibu wa
Page 33 and 34: Coast), Djibouti, Ghana, Benin na T
Page 35 and 36: inalipwa na Serikali kama ruzuku. A
Page 37 and 38: 90. Mheshimiwa Spika, katika mwaka
Page 39 and 40: za kusajili wafugaji na mifugo viji
Page 41 and 42: Katika mwaka 2007/2008 walivuliwa s
Page 43 and 44: Hadi sasa mabwawa 29 yamekamilika a
Page 45 and 46: inaonyesha kuwepo kwa wavuvi 98,015
Page 47 and 48: wananchi katika wilaya za Kilwa (mi
Page 49 and 50: (i) Ujenzi wa mialo sita ya Bwai (M
Page 51: Vyama Huru vya Wafanyakazi na Baraz
Page 55 and 56: (viii) Kuendelea kuwapo kwa uvunaji

hotuba ya waziri wa maendeleo ya mifugo na - Ministry of Livestock ...

You also want an ePaper? Increase the reach of your titles

Delete template?

Save as template?