M E D I C U S - Shoqata e Mjekëve Shqiptarë të Maqedonisë-Hipokrati

përket shpeshtësisë së marrjes së vakteve në grupin e studimit (P=0.001). Konsumimi i
frutave dhe i perimeve është i njëjtë për të dyja gjinitë tek studentët, po ashtu përdorimi i
alkoolit dhe i duhanit. Shumica e studentëve besojnë se ngrënia e mishit, perimeve dhe
frutave do tu sigurojë një dietë të balancuar.
77.1% e meshkujve dhe 72.6% e femrave në këtë studim janë të mendimit se
shumëllojshmëria e ushqimeve është e rëndësishme për të patur një dietë të balancuar
dhe të ushqyeshme. Një studim i bërë në Universitetin e Miduest midis 105 M dhe 181 F,
raportoi se 94.4% e studentëve mendojnë se shumëllojshmëria e ushqimeve është e
rëndësishme për një shëndet të mirë (9). Në një studim tjetër dietë e shëndetshme u
klasifikua një dietë që përfshinte më shumë fruta dhe perime dhe më pak yndyrna (9).
Konsumimi ditor i vakteve u raportua nga shumica e studentëve. Mënyrë jo e
shëndetshme u vu rë në konsumimin e ushqimeve të skuqura. Vakte të shpeshta, dhe
ngrënia e ushqimëve të skuqura mund të ndikojnë për keq në shëndetin e studentëve
dukë u dhënë atyre, energji me bollëk dhe acidë yndyrorë të lartë. Duke rritur njohuritë e
studentëve për ushqimim dhe mënyrat e shëndetshmë të të ngrënit mund të rrisim
menaxhimin e peshës truporë tek studentët dhe pakësimin e mbipeshës dhe obezitetit.
Një studim i përafërt tek studentët e një kolegji amerikan, që dha rezultat në
udhëheqjen e dietave ―Guidë dietore për amerikanët 2005‖ u shfaq në mënyrë pozitive,
lidhur me mënyrat e ngrënies. Personat me tregues normalë, kishin një nivel të lartë
njohurish rreth ushqimit (9). Për këtë, programe të zhvillimit edukues të ushqimit
reklamojnë mënyra të shëndetshme të të ngrënit, të cilat tek studentët duhet të
inkurajohen.
Të dhënat për konsumimin e alkoolit dhe përhapjen e duhanpirjes tek studentët e
Universitetit të Vlorës, janë të limituara. Një studim i mëparshëm i 1980 tek studentët e
Universitet të Tiranës tregojnë se përhapja e pirjes së alkoolit po rritet pas viteve ‘90.
Kufijtë
Të dhënat e këtij studimi janë të kufizuara, të marra në mënyrë të rastësishmë
nga një grup studentësh në një Universitet, i cili mund të mos jetë përfaqsues i të gjithë
studentëve në Shqipëri. Për me tepër studentët e Universitetit të Vlorës janë zakonisht të
standartëve të ulta dhe të mesme socio-ekonomike, nuk kemi një pamje gjithëpërfshirëse
të studentëve po të marim në konsideratë me tepër gjendjen socio-ekonomike.
Sidoqoftë bazuar në informacionin për gjëndjën e peshës, dhe për zakonet e ngrënies tek
studentët e pyetur të një Universiteti i përmbahemi studimit të tanishëm.
PËRFUNDIME
Të dhënat e studimit, treguan se shumica e personave të marrë në studim kishin një
peshë normale. Pesha normale ishte më e shpeshtë tek femrat sesa tek meshkujt.
Studentët me mbipeshë dhe obezitet ishin me të shpeshtë meshkuj sesa femra.
Studentët në kategorinë e peshës normale kishin të njëjta vlera të përqindjes së
yndyrnave trupore. Përhapja e mbipeshës ishte 29.3% tek meshkujt krahasuar me
13.2% tek femrat.
Obeziteti ishte më i shpeshtë tek meshkujt sesa tek femrat në popullatën e studiuar. Në
total 3.9% e meshkujve ishin obezë krahasuar me 1.14% të femrave. Studentët obezë
kishin të njëjta vlera të larta të përqindjes së yndyrnave trupore.