M E D I C U S - Shoqata e Mjekëve Shqiptarë të Maqedonisë-Hipokrati

Mënyra jo e shëndetshme e të ngrënit u ndikua nga fakti se shumica (57.3%) e
studentëve raportuan së hanin ushqime të skuqura me shumë së tre herë në javë. Femrat
(29 %) raportuan së hanin ushqime të skuqura 3 ose 4 herë në javë krahasur me 33% të
meshkujve.
Konsumimi ditor i vakteve të lehta, përveç vakteve të rregullta ishte më i shpeshtë
të femrat sesa tek meshkujt (55.6% F dhe 50% M). Konsumimi ushqimor ditor me
shoqërinë dhe familjen ishte i shpeshtë tek studentët (42.7%) pa ndryshime gjinie
(p>0.05).
Duhanpirja nuk ishte e shpeshtë tek studentët: 62.4% e studentëve raportuan së
nuk pinin duhan, 7.2% ish duhanpirësa dhe 30.3% janë duhanpirës të rregullt.(p>0.05).
DISKUTIMI
Të dhënat e studimit, treguan se shumica e personave të marrë në studim kishin
një peshë normale. Pesha normale ishte më e shpeshtë tek femrat sesa tek meshkujt.
Studentët me mbipeshë dhe obezitet ishin me të shpeshtë meshkuj sesa femra. Studentët
në kategorinë e peshës normale kishin të njëjta vlera të përqindjes së yndyrnave trupore.
Përhapja e mbipeshës ishte 29.3% tek meshkujt krahasuar me 13.2% tek femrat.
Obeziteti ishte më i shpeshtë tek meshkujt sesa tek femrat në popullatën e
studiuar. Në total 3.9% e meshkujve ishin obezë krahasuar me 1.14% të femrave.
Studentët obezë kishin të njëjta vlera të larta të përqindjes së yndyrnave trupore. Kufiri i
ulët obezitetit tek femrat pritej, se femrat janë më të kujdesshme për gjendjen e tyre të
peshës sesa meshkujt, kjo falë perceptimit të shoqërisë, e cila inkurajon femrat të jenë më
të dobëta. Ky supozim u mbështetet nga fakti së vetëm 2.3% e meshkujve ishin
nënpeshë krahasuar me 16.6% të femrave. Siç shihet figurat e yjeve të filmave dhe
modeleve të revistave të modës kanë një efekt të fortë tek format trupore. Vajzat e UV
shohin format dhe peshën e modeleve të revistave si format ideale që ato duan të kenë.
Vajzat me kaq perceptim të fortë mund të kalojnë deri në çrregullime psikike të të
ngrënit (sëmundjë si bulimia, anoreksia mendore).
Përfundime të njëjta të përhapjes së obezitetit janë raportuar edhe nga studimet e
fundit bashkëkohore. Në një studim të bërë tek 749 studentë (68% F dhe 32% M) anëtarë
të Universitetit Publik të Baskut, përhapja e mbipeshës ishte 25% tek meshkujt dhe
13.9% tek femrat (2). Një studim tjetër drejtoi 989 studentë të mjekësisë (527 M dhe 462
F) nga Universiteti i Kretës raportuan se afërsisht 40% M dhe 23% F kishin
BMI>25kg/m2 (5). Përhapje e lartë e mbipeshës dhe obezitetit u vu re edhe në
Universitetin e Kuvaitit, midis 842 studentë kishte 32% M mbipeshë dhe 8.9% M obezë
(6). Në Emiratet e Bashkuara Arabe një grup vëzhgimi vëzhgoi 300 studentë meshkuj ku
rezultoi se prevalenca e obezitetit ishte 35.7% (7).
Në termin, zakone të të ushqyerit, studentët e UV nuk ndjekin mënyra të
shëndetshme ushqyerjeje. Dieta tipike e studentëve të Universitetit është e pasur me
yndyrna dhe me përmbatje të ulët të frutave dhe perimeve. Studentët zakonisht preferojnë
fast-foodet për prakticitetin dhe shpejtësinë e tyre. Një studim nga Organizata Amerikanë
e Dietologëve dëshmoi së obeziteti dhe mbipesha janë pasoja të fast-foodeve (9). Në
objektivat e njerëzve të shëndetshëm në 2010 do të fokusohet mbipesha dhe obeziteti (9).
Në këtë studim, të dhënat tregojnë se studentët i hanë rregullisht vaktet dhe hanë
mëngjesi përditë ose 3-4 herë në javë. Kemi një sinjifikancë në dallimin gjinor për sa i