M E D I C U S - Shoqata e Mjekëve Shqiptarë të Maqedonisë-Hipokrati

3 Универзитет Климент Охридски Битола
Tatjana Bla`evska
Magister po ekologija i заштита na `ivotnata sredina
Ul.Prilepska broj 68 /4. Bitola
Tel- +389 47 223 423 & +389 70 395 010
e-mail msptatjana@yahoo.com
РЕЗИМЕ: Целта на ова истражување е да го испитаме ефектот на diabetes mellitus
(ДМ) врз неколку параметри кои го илустрираат базалниот метаболизам.
Материјал и методи. Како материјал за нашето испитување користевме полна крв
и серум од 20 пациенти со дијагноза ДМ и тоа по 10 од двата пола. Како контрола
служеше крв и серум од 20 здрави луѓе, исто така од двата пола. Резултати и
дискусија. Нивото на вкупните липиди во крвта кај пациентите со ДМ е
сигнификантно повисоко во однос на контролата. Заклучок: концентрацијата на
вкупниот холестерол во серумот, триглицеридите и LDL холестеролот во крвта на
пациентите со ДМ е значајно зголемена во однос на контролната група додека
нивото на HDL, покажува разлика само во половата структура, при што истото е
повисоко кај жените во однос на мажите.
Клучни зборови. Диабетес мелитус, липиден метаболизам
Medicus 2009, Vol. XI (1):
ВОВЕД
Мастите се органски соединенија со огромно значење за нормалното
одвивање на биохемиските и физиолошките процеси во живите организми.
Нивната дигестија и ресорпција се одвива во тенкото црево. Во овој дел од
дигестивниот тракт своето каталитичко дејство го изразуваат жолчните киселини
од жолчката и панкреасната липаза поради што мастите се разложуваат на
глицерол и сложени масни киселини. Од главниот лимфен сад ductus thoracicus
мастите поминуваат во крвта. Ваквите масти се транспортираат и се складираат во
телесните депоа кои се наоѓаат во поткожното масно ткивo, оментумот, бубрежната
капсула и др. Покрај овој вид на масти,има и клеточни масти кои се врзани за
протеините и формираат липопротеини. Липопротеините претставуваат структурни
делови на протоплазмата.
Правилниот метаболизам на мастите зависи од повеке фактори, од кои
најважни се :
- нервни фактори. xипоталамусот делува на метаболизмот на мастите
непосредно по нервен пат или преку жлездите, односно преку аденохипофизата.
- ендокрини фактори