M E D I C U S - Shoqata e Mjekëve Shqiptarë të Maqedonisë-Hipokrati

60) Prof. Dr. Mehmet Begraca, profesor i mjekësisë së punës
61) Prof. Dr. Fadil Batalli, profesor i mjekësisë ligjore dhe kriminalistikës.
Kurse, tani për të gjithë ata profesorë dhe profesoresha që nuk i kam përmendur
më lartë kërkoj falje, sepse jo që nuk kam dashur t‘i përmendur, por që për këtë periudhë
30-vjeçare që kanë kaluar, është shumë normale që edhe i kam harruar emrat dhe
mbiemrat e tyre.
Ndërsa tani, atyre profesorëve e ndoshta edhe ndonjë kolegë i joni, ish student,
që nuk jeton më, përkujtoj duke ju shprehur mirënjohje si dhe le të prehen në parajsë.
Ndonëse fjalët që përdoren në raste solemne tingëllojnë si të detyruara, por, më
besoni se ky solemnitet bashkërisht edhe me kënaqësinë, më kanë shkaktuar edhe
obligimin po edhe respektin për të gjithë ata profesorë dhe profesoresha, që me punën e
tyre të palodhshme na kanë mësuar, duke nxjerrë në dritë kuadro të mirëfillta, doktorë
dhe doktoresha, prandaj edhe ju falënderohem shumë. Është edhe një moment tjetër i
veçantë dhe shumë i rëndësishëm që përkon me këto momente, kur ne, 30-vjetorin e
absolventiadës e shënojmë dhe e festojmë në Kosovën Republikë dhe shtet në vehte dhe
të pavarur. Në Kosovën e ëndërruar dhe të dëshiruar me vite e vite si dhe decenie e
decenie të tëra. Në Kosovën e lirë, në Kosovën e sakrificave të jetës të të gjithë atyre që u
flijuan prej te Gjergj Kastrioti Skënderbeu, e deri te legjendari Adem Jashari, si dhe të
gjithë të tjerët që e dhanë jetën dhe u bënë heronj të Republikës së Kosovës. Kosovës së
lirë, që me heroizëm, me demonstrata, kryengritje, burgosje dhe më në fund me luftë
arritëm këtë ditë që sot ne ta shohim në të vërtetë dhe në realitet - Kosovën Republikë, të
lirë dhe Demokratike.
Të gjithë atyre që ranë për Kosovën, ju qoftë lavdia e përjetshme, si dhe le të
prehen në parajsë duke ju thënë se ju jemi mirënjohës për jetë të jetëve, ndërsa ne që të
gjithë Shqiptarët kudo që ndodhemi në mbarë rruzullin tokësor e gëzofshim Kosovën
Republikë të lire dhe të pavarur demokratike.
Me falënderimin nga të gjithë Dibranët ish studentë të Universitetit të Prishtinës,
jo vetëm të shkencave mjekësore, që sot janë mjekë, stomatollogë dhe magjistra të
farmacisë, por edhe nga ata studentë dhe studente Dibranë që sot janë ekonomistë të
diplomuar, juristë të diplomuar, profesorë dhe inxhinierë të diplomuar etj., për
gatishmërinë që Kosova e asaj kohe tregoi ndaj nesh si studentë, duke na trajtuar si
Shqiptarë, bile-bile ndonjëherë kemi qenë të privilegjuar edhe më shumë se sa studentët
Kosovarë, në dhënien e mundësive për të studiuar dhe për të mbaruar studimet, pra, për të
diplomuar nëpër fakultetet, si dhe nëpër shkollat e larta të ndryshme të Universitetit të
Prishtinës. .
Si dhe për në fund fare, ju thërras të gjithëve që jeni sonte këtu prezent të rastit,
t‘i ngrejmë gotat, duke ju dëshiruar çdo të mirë në jetën tuaj të përgjithshme. Gëzuar.
Nga kolegu i juaj
Dr Adem Sh. L. Disha, mjek i praktikës së përgjithshme
Dibër
Tel. 00389-46-832-258
MEDICUS
________________________________________________________________________