M E D I C U S - Shoqata e Mjekëve Shqiptarë të Maqedonisë-Hipokrati

evista mjeksore ―Praxis Medicus‖, momentalisht nuk funksionon, prandaj besoj se të
njejtin efekt do ta ketë ky tekst, e do ta përmbushë atë që unë nuk munda ta prezantoj me
gojë para të pranishëmve ne Hotelin ―Ilirija‖ në Prishtinë, kështu që e publikoj në
―Medicus‖ që është funksionale në Maqedoni dhe tani e citoj:
Të nderuara doktoresha dhe doktorë, zonja dhe zotërinj, me rastin e kremtimit të
absolventiadës të gjeneratës së 5-të, ku bëj pjesë edhe unë, Ju përshëndes nga zemra të
gjithë që ndodhen sonte këtu, pra ditë e shtunë, 31.V.2008, a veçanërisht të respektuarit
profesorët dhe profesoreshat tanë, të cilët me mundin dhe djersën e tyre na mësuan që ne
sot të jemi doktorë dhe doktoresha.
Po ashtu, i përshëndes nga zemra ish kolegët, studentë e sot mjekë, si dhe të gjithë
të pranishmit të tjerë.
Është shumë normale dhe e natyrshme, që me kalimin e 30 vjetëve të shpërndarjes
tonë dhe të mos takimit më me njëri tjetrin, kanë ndodhur edhe shumë ndryshime në mes
nesh, prandaj mendoj se neve edhe mund të kujtohemi, por mundet që edhe të mos
kujtohemi, pra të mos njihemi njëri me tjetrin. Mu për këtë arsye më lejoni që unë të
prezantohem sonte këtu para jush. Unë, jam dr. Adem Sh. L. Disha nga Dibra.
Këtu jam së bashku edhe me dibranin tjetër dr Petrit Melën, i cili ka ardhur nga
SHBA, enkas për këtë solemnitet të sotshëm.
Pra, unë vij nga Dibra e Madhe e nëntë maleve, nga Dibra kreshnike, nga Dibra
heroike, nga Dibra fisnike, nga Dibra besnike, nga Dibra bujare, nga Dibra legjendare,
nga Dibra përparimtare, nga Dibra krenare, nga Dibra e shumëçkahit.
Në gjeneratën tonë të Fakultetit të Mjekësisë këtu në Prishtinë, kemi pasur nderin
që nga Dibra e jonë të jemi vetëm tre absolventë, që tash më jemi doktorë. Të tre
absolventët e dikurshëm dëshiroj që t'i prezantoj: dr. Adem Sh. L. Disha, dr. Petrit Mela
dhe dr. Lejla Agolli, që jetojmë, punojmë e veprojmë në tre vende të ndryshme, kurse
tani unë personalisht, të gjithë stafit të Dekanatit të Fakultetit të Mjekësisë në Prishtinë
dhe organizatorëve veçanërisht, u falënderohem shumë përzemërsisht duke filluar prej
Dekanit, prodekanët e në veçanti Prof. Dr. Myrvete Paçaradën - prodekane aktuale e
Fakultetit të Mjekësisë në Prishtinë, që e kanë organizuar këtë mbrëmje madhështore, si
dhe për ftesën që më kanë bërë mua personalisht. E jo, sikurse paraardhësit e tyre, që
kanë qenë në Dekanatin e Fakultetit të Mjekësisë në Prishtinë përplot 25 vjet, dhe
asnjëherë nuk e panë të udhës e të arsyeshme që përveç të tjerëve që i kanë ftuar, të më
ftonin edhe mua ndonjëherë në të tilla manifestimesh, ose në ndonjë tjetër të ngjashme,
kur janë mbajtur ose organizuar nga organizatorët të ndryshëm, si psh. për 5 vjetorin, 10
vjetorin, 15 vjetorin, 20 vjetorin, si dhe për 25 vjetorin e absolventiadave. Por gjithmonë,
them unë se vetëm në rast se janë organizuar përvjetorë dhe manifestime të këtilla,
mirëpo në rast se nuk janë organizuar asnjëherë më parë të tilla manifestimesh dhe
përvjetorësh që i kam përmendur më lartë, atëherë, unë tërhiqem dhe distancohem duke
kërkuar falje për krejt këtë që e theksova më lartë në lidhje me përvjetorët. Pasi që,
sikurse edhe vetë juve e shiqoni, të gjithë që jeni prezent sonte këtu, se për mua kjo është
ftesa e parë që më bëhet pas 30 vjetësh në mbrëmje dhe në një manifestime të këtilla.
Jam, tepër i emocionuar dhe i gëzuar që sonte gjendem këtu, në Prishtinë, në Kryeqytetin