M E D I C U S - Shoqata e Mjekëve Shqiptarë të Maqedonisë-Hipokrati

Konservantët në vaksina
Konservantët në vaksina janë përbërje që vrasin ose pengojnë rritjen e mikroorganizmave,
veçanërisht të bakterieve dhe të këpurdhave. Ato përdoren në vaksina për të
penguar zhvillimin mikrobik në rastin e ndotjeve aksidentale të vaksinës gjatë shpimit të
përsëritur të vialeve multidozë.
Vaksinat janë të llojeve të ndryshme dhe konservantët zgjidhen në bazë të natyrës
së tyre.
Konservantët e përdorur nuk duhet të jenë toksike.
Një nga konservantët që përdoret në vaksina është tiomersali, i cili është një
komponim organik me veti antibakteriale që përmban Hg.
Kur tiomersali degradohet ose metabolizohet, transformohet në etil merkuri, që
eshte derivat organik i Hg.
Tiomersali është përdorur që në vitin 1930 si një konservant, në produktet
biologjike dhe mjeksore duke përfshirë shumë vaksina.
fig.1 Formula strukturore e thiomersalit
Tiomersali është pluhur kristalin, me një shkëlqim të bardhë në të verdhë, tretet
shumë mirë në ujë, tretet mirë në alkool dhe është i patretshëm në eter. Thiomersali
permban 49.6 % në peshë, Hg.
Ekzistojnë disa sinonime të tiomersalit:Etil [2- merkaptobenzoato (2)-O, Smerkurat
(1-)sodium; Etil(merkaptobenzoat-S)Hg; kripë sodiumi Merkurotiolat; Merfamin;
Mertorgan; Merzonin; etilmerkurtiosalicilat Na; Tiomersal; Kripa Na e acidit etil merkur
tio salicilik; Mertiolat Na; Elicide; Kripa e Na o-(etilmerkurotio) acid benzoik; Na
merzoni; SET; Etilmerkuritiosalicilat Na; thimerosalat; Thimerosol; himersalate;
thiomerosal; o-(etilmerkurtio) benzoat Na; kripa e Na etil (hidrogjen o-merkaptobenzoat)
Hg; Elcide; Etilmerkurotiosalicilat Na; Kripe Na e (2-(karboksifeniltio) etilmerkuri.
Tiomersali përdoret si konservant tek vaksinat e DTP, DT, Td (disa), TT (disa),
Influenza (grip, disa), Pneumococcal Polysaccharide (Pnu-Imune 23).