M E D I C U S - Shoqata e Mjekëve Shqiptarë të Maqedonisë-Hipokrati

Merita Kuçuku, MSc.
Rr. ‖Riza Cerova‖ No 2/1 Tirana, Albania
Mobile:00355682991415
e-mail:emkoni@hotmail.com
REZYME: Në këtë punim është studiuar absorbanca e tiomersalit nga koha në vaksinën
DTP. Metoda Spektrofotometrike UV-vis është përdorur për eksperimentet dhe kushtet e
eksperimentit janë përcaktuar në bazë të Planifikimit faktorial. Intervali i kohës së
matjeve u bazua në paqëndrueshmërinë e kripës komplekse ditizon –tiomersal. Koha
minimale ishte 3 min dhe kohët e tjera ishin çdo 10 sekonda. Diapazoni i kohës ishte nga
3 min deri në 3 min e 40 sek. Metoda ka linearitet te mirë për kohën 3 min, ndërsa për
kohën 3 min e 40 sek nuk ka linearitet dhe nuk mund të punohet normalisht.
Fjalë kyç: varësia,grafik,absorbanca,vaksinë,kohë.
Medicus 2009, Vol. XI (1):
HYRJE
Vaksinat janë preparate biologjike që rrisin aftësinë mbrojtëse të organizmit të
njeriut apo qënieve të tjera të gjalla nga sëmundje të ndryshme ngjitëse. Përdorimi i
vaksinave sot po zgjerohet edhe për parandalimin e sëmundjeve jo ngjitëse.
Vaksina është përdorur që në lashtësi si nevojë e njerëzimit për të përballuar
dëmet që shkaktonin sëmundjet.Vaksina për herë të parë është përdorur në shek. XVIII-të
në Azi dhe Europë, nëpërmjet injektimit artificial të shkaktarit të lisë për qëllime
imunizimi.
Jenner zbuloi për herë të parë vaksinën në vitin 1796 duke vaksinuar njerëzit me
virusin e lisë së lopëve(Cow-pox) (1).
Në Shqipëri vaksina virale kundër tërbimit u prodhua për herë të parë në vitin
1924 (2).
Sot objekt studimi në të gjithë botën është prodhimi i vaksinave të ndryshme për
luftimin e kancereve, të HIV dhe të infeksioneve të ndryshme.