M E D I C U S - Shoqata e Mjekëve Shqiptarë të Maqedonisë-Hipokrati

Sipas autorëve polak (2,3) incidenca e rasteve është 0.35-5 raste në 1000 të lindur
të gjallë, ngjashëm me atë të autorëve italian (13) 5/1000, derisa sipas autorëve të punimit
nga Britania e Madhe (11) incidenca e rasteve ësht 0.42 për 1000 të posalindur gjallë.
Sipas autorëve grek (1) incidenca e rasteve ësht 0.38-3 për 1000 fëmijë të lindur gjallë, në
shtete të zhvilluara.
Ky rangim aq i gjërë mund të jetë si pasojë e dallimit ndërmjet popullatës së
ndryshme të analizuar, ku mesatarja e peshës trupore të të posalindurve (njëri prej
faktorëve kryesor të rrezikut), të regjioneve të ndryshme gjeografike, është e ndryshme.
Poashtu, edhe përmirësimi i teknikave obstetrike mund të ndikoj në incidencë më të ultë
të dëmtimit (1).
Por, pavarsisht nga avansimet në teknologji, ky raport i dëmtimit ka mbetur i
njejtë. Kjo gjë mund të jetë si pasojë e rritjes së mesatarës së peshës trupore (7) që
reflektohet nga përmirësimi i kujdesit prenatal si dhe nga shfaqja e paparashikuehsme e
gjendjes së quajtur si shoulder dystocia, që nënkupton ngujimin e pjesës së përparme të
supit të frytit nën simfizën pubike të nënës, kur veç koka ka dalur nga kanali i lindjes (8).
Te rastet tona ana e djathtë ishte më e përfshirë në lëndim, që përkon me të
dhënat e punimit (4), derisa gjinia mashkullore poashtu është më e përfshirë sesa ajo
femrore, gjë që ndoshta mund të shpjegohet me atë se, fryti i gjinisë mashkullore arrinë
masë (peshë dhe gjatësi) intrauterine më të madhe trupore.
Faktorët e rrezikut për dëmtim të pleksusit brahial sipas autorit Dimitros (1) mund
të ndahen në tri kategori: amnorë, neonatal dhe të aktit të lindjes.
Një ndarje të tillë e kemi bërë edhe ne në hulumtimin tonë, gjatë analizës së
faktorëve të rrezikut, ku nga faktorët amnorë - shtatzania e shumëfisht dhe lëngu
amniotik i gjelbër u paraqitën si faktor me prezentim më të shpeshtë.
Shtatzania e shumëfishtë gjithashtu është prezentuar si faktor rreziku në
hulumtimet e autorëve (1,2,3,4,9,10).
Faktorët si diabeti mellit dhe obeziteti i nënës janë faktorë me relevancë edhe më
të madhe sipas autorëve (1,2,3,10,12) të cilat gjendje ndërlidhen pastaj me peshë të
madhe trupore të frytit. Meqë në punimin tonë në mesin e nënave ishin vetëm 2 raste me
diabet mellit (ne ato i paraqitëm së bashku me sëmundjet tjera të nënës gjatë shtatzanisë),
nuk t‘i përshkruhej ndonjë rol i rëndësishëm, derisa analizën e peshës trupore të nënës si
faktor eventual rreziku, për shkak të dhënave të mangëta, nuk na ishte bërë e mundur që
ta analizonim.
Lidhur me lëngun amniotik të gjelbër, nuk kemi të dhëna konkrete nga autorët
tjerë, por ne supozuam se kjo lidhmëri ndoshta mund të shpjegohet me asfiksinë
intrauterine të frytit, duke u bazuar në atë se asfiksia perinatale sipas autorit Polovina (4)
u paraqit si faktor rreziku me strukturë të lartë te të posalindurit, me diagnozë të dëmtimit
të pleksusit brahial.
Pesha e madhe trupore u paraqit si faktor me prezentim më të lartë tek rastet tona,
në kuadër të kategorisë së faktorëve neonatal. Edhe gjendjet tjera si kordoni umbilikal
rreth qafës dhe asfiksioni i frytit, kishin prezentim të lartë, tek rastet e përfshira në
punimin tonë.
Pesha e madhe trupore është faktor me distribuim struktural shumë të lartë, dhe
njëri nga faktorët kryesor për shfaqjen e dëmtimit të pleksusit
brahial(1,2,3,4,5,9,10,11,12,13).