M E D I C U S - Shoqata e Mjekëve Shqiptarë të Maqedonisë-Hipokrati

Në tabelën 3 si faktor rreziku i parezës së pleksusit brakial pesha e madhe trupore u gjet
te 75.7%, dhe ate te fëmijët me peshë mbi 3500 gram. Mesatarja e peshës trupore të
posalindurve me dëmtim të pleksusit brahial, të përfshirë në pnimin tonë, ishte 3950 ±
612.1.
Tabela 3.
Struktura e të posalindurve me dëmtim të pleksusit brachial, sipas peshës trupore
Grup-pesha ( gram ) N (%)
1501-2000 1 (1.0)
2001-2500 1 (1.0)
2501-3000 6 (6.1)
3001-3500 16 (16.2)
3501-4000 28 (28.3)
4001-4500 30 (30.3)
4501-5000 14 (14.1)
5000+ 3 (3.0)
Mesatarja ± DS 3950 ± 612.1
Rangu 1600 - 5100
Te këta të posalindur edhe Apgar testi ishte me vlerë relativisht të ultë, në
minutën e parë 6.0 ± 1.7 dhe në minutën e pestë 7.5 ± 1.1.
DISKUTIMI
Dëmtimi i pleksusit brahial tek të posalindurit, paraqet një komplikim të
shtatzanisë dhe të aktit të lindjes, incidenca e të cilit ka mbetur e njejtë, për shumë
dekada. Një numër i madh i faktorëve të rrezikut kontribojnë në shfaqjen e dëmtimit të
pleksusit brahial, por ende etiologjia mbetet e pasqjaruar në tërësi (1).
Ne si profesionist të cilët e kemi barrën kryesore në rehabilitimin e këtyre
fëmijëve, shpesh ballafaqohemi me pengesa të shumta në punën tonë, në rradhë të parë
për shkak se kemi të bëjmë me të sëmurë të një kategorie më të ndieshme të popullatës.
Prandaj, hulumtimin tonë e drejtuam, në kuptim të analizës së faktorëve etiologjik më të
shpeshtë, të dëmtimit të pleksusit brahial, tek të posalindurit e lindur gjallë, në Klinikën
Gjinekologjike dhe Obstetrike, në Prishtinë, që eventualisht të mund të shqyrtojmë
mundësinë e parandalimit të tyre.
Gjatë punës tonë kemi hasur në vështërsi në kuptim të dhënave jo të mjaftueshme,
në dokumentacionin mjekësor të të posalindurve apo të nënave të tyre (si të peshës
trupore të nënës, përmasave anatomike të pelvikut të nënës).
Incidenca e rasteve me dëmtim të pleksusit brahial, tek ne është 2,3 në 1000 të
posalindur gjalllë.