M E D I C U S - Shoqata e Mjekëve Shqiptarë të Maqedonisë-Hipokrati

me farmacistin klinik paraqesin metodë efektive të rishikimit të barnave për rezidentët e
shtëpisë së pleqve.
Fjalë kyçe: : barnat, pleqtë, sëmundjet kronike
Medicus 2009, Vol. XI (1):
HYRJE
Plakja përfaqëson një periudhë jetësore kur egzistojnë shumë humbje: humbja e
mobilitetit të pacientit, produktivitetit, dobishmërisë, pamjes trupore, zvogëlimi i kohës
së mbetur të jetës, shëndetit, të ardhurave dhe statusit (1).
Rezidentët e vjetër në Shtëpinë e Pleqve janë shpesh të dobët fizikisht dhe kanë
probleme degjenerative progresive. Ata marrin shumë barëna dhe janë në rrezik të lartë
nga efektet anësore të barënave (4). Mjeku i përgjithshëm nuk i rishikon shumicën e
barënave që i marrin rezidentët në Shtëpinë e Pleqve. Farmacisti klinik ka mundësi dhe
mjete që ta bëjë rishikimin e administrimit të barënave dhe më pas t‘i jep sugjerimet, të
cilat zakonisht janë të pranueshme. Farmacisti shpesh rekomandon ndryshime të
rëndësishme të barënave për rezidentët e shtëpisë së pleqve, të cilat pranohen mirë nga
ata si edhe implementohen nga mjekët e tyre (4).
Sipas autorit Wegg, 70% e personave mbi moshën 65 vjeçare kane ndonjë lloj të
sëmundjes kronike. Tre sëmundjet kryesore për personat e moshuar janë: (1) sëmundjet e
zemrës, (2) problemet me të pamurit dhe (3) artroza (16).
Barnat psikotrope dallohen nga hipnotikët dhe nga depresorët e tjerë të SNQ,
ngase edhe në doza të mëdha nuk ushtrojnë veprim anestetik, megjithëse deri në një masë
shkaktojnë njëfarë letargjie. Diazepami bënë pjesë në grupin e anksiolitikëve
benzodiazepinikë, të cilët përdoren për përmirësimin e përkohshëm të ankthit të rëndë.
Barnat që veprojnë në sistemin kardiovaskular janë: glikozidet kardiotonike,
antiaritmikët, antihipertenzivët, vazodilatatorët, vazokonstriktorët dhe
antiateroskleretikët. Enalaprili hyn në grupin e barnave antihipertensivë.
QËLLIMI I PUNIMIT
Punimi ka për qëllim që ta paraqetë:
1. Distribuimin e rezidentëve të Shtëpisë së Pleqve sipas gjinisë, moshës dhe
kombësisë.
2. Të determinojë prevalencën e sëmundjeve kronike dhe
3. Ta caktojë barin më të shpeshtë të përdorur.
MATERIALI DHE METODAT
Të dhënat për këtë punim janë marr në Shtëpinë e Pleqve në Prishtinë. Në mënyrë
prospektive, në përcjellje 6 mujore, gjatë periudhës korrik 2008- dhjetor2008, janë
analizuar parametrat për rezidentët e shtëpisë së pleqve në Prishtinë. Në studim janë
kyçur të gjithë rezidentët.