M E D I C U S - Shoqata e Mjekëve Shqiptarë të Maqedonisë-Hipokrati

Inspektimet e mbikqyrjes të personelit të spitalit dhe mjedisit nuk duhet të bëhen në
mënyre rutine, por duhet të konsiderohen kur janë të nevojshme për t‘iu drejtuar situatave
specifike.
Të dhënat mbi rezistencën antimikrobike duhet të jenë të disponueshme për stafin
mjekësor të paktën çdo vit. Këto të dhëna duhet të përmblidhen për çdo pavion ose
specialitet klinik dhe sipas llojit të infeksionit ose tipit patogjen. Këto të dhëna janë të
dobishme për gjenerimin e udhëzimeve të trajtimit spitalor të cilët janë të dobishme në
situata ku terapia empirike shpesh jepet përpara se rezultatet mikrobiologjike të jenë të
disponueshme.
REKOMANDIM
Duke u nisur nga rezultatet e studimit të mësiperm, për të siguruar një nivel të
pranueshëm të sterilitetit në ambientet e sallave operatore si dhe në ambientet e reparteve
të urgjencës dhe reanimacionit, që përbën një domosdoshmëri për të parandaluar
infeksionet sekondare spitalore, kërkohet domosdoshmërisht:
1. Të bëhet dezinfektimi i sallës operatore duke përfshirë:
- dezinfektimin fillestar (çdo mëngjes para fillimit te operacioneve dhe pas
mbarimit të çdo operacioni).
- dezinfektimin përfundimtar (në fund të ditës).
- dezinfektimi i përgjithshëm (një here ne muaj me formalinë)
2. Përdorimi i llampave germicide.
3. Përdorimi i solucioneve dezinfektuese që kanë efekt të përshtatshëm për dyshemetë,
instrumentet, orenditë, për furçat e kirurgeve, për larjen e duarve te kirurgeve, për
lavamanët etj.
4. Perdorimi i dezinfektantëve që kanë një kohe ekspozimi jo më shume se 10-15 minuta.
5. Përdorimi i dezinfektantëve në përqëndrimin e duhur.
6. Qarqet e tubave të intubimit e aspirimit të lahen dhe të dezinfektohen me dezinfektant.
7. Trajnimi i personelit me të dhenat e Udhëzuesit mbi dezinfektimin dhe sterilizimin.
BIBLIOGRAFIA
1. McGowan J, Weinstein RA. The role of the laboratory in control of nosocomial
infection. In Bennet JV and Brachman PS editors. Hospital infections, Fourth
edition. Philadelphia, PA: Lippincott-Raven; 1998: 143-164.
2. Ministria e Shëndetesise, Instituti i Shëndetit Publik. Të dhëna mbi përmbajtjen
mikrobike të sallave operatore në spitale të ndryshme të vendit. Tiranë, 2008.
3. McGowan J, Weinstein RA. The role of the laboratory in control of nosocomial
infection. In Bennet JV and Brachman PS editors. Hospital infections, Fourth
edition. Philadelphia, PA: Lippincott-Raven; 1998: 143-164.