M E D I C U S - Shoqata e Mjekëve Shqiptarë të Maqedonisë-Hipokrati

DISKUTIMI
Ekzaminimet, siç paraqiten edhe në këtë studim, morën në Spitalin Ushtarak
Qëndror Universitar të Tiranës, një sërë mostrash mikrobiologjike në ambientet e sallave
operatore, në sipërfaqe, në orendi, në solucione duke ndaluar edhe në tubat e intubimit
dhe në ato të aspirimit, në aerosterilin si edhe në cistinat sterile.
Drejtimet e punës:
1. Sondazhe mbi qarkullimin e mikrobeve patogjene në sallat operatore.
2. Ekzaminime mikrobiologjike në repartin e Reanimacionit.
3. Ekzaminime mikrobiologjike në Urgjencë.
4. Ekzaminime në sallat e operacionit në Ortopedi.
5. Ekzaminime mikrobiologjike të qarqeve të intubimit, të aspirimit dhe të
1. tubave të oksigjenit.
6. Ekzaminime të personelit për prani mikroorganizmash në hundë dhe në grykë.
PERFUNDIM
Stafi i laboratorit mikrobiologjik duhet të implementojë kontrolle cilësie të
brendshme dhe të jashtme dhe të marrë pjesë në trajnimin dhe formimin e vazhdueshëm
për të gjetur fenotipe të reja të panjohura të rezistencës. Cilësia e mbledhjeve të specieve
dhe transportit duhet të garantohet në bashkëpunim me stafin e klinikës dhe me
infermieret, përmes seminareve dhe manualeve të procedurave. Regjistrimet në laborator
janë një burim i rëndësishëm i informacionit mikrobiologjik për KKI (Komiteti i
Kontrollit të Infeksioneve në Spitale).
Ruajtja dhe analiza e të dhënave të laboratorit zakonisht është e kompjuterizuar.
Për laboratorët me burime të kufizuara për zhvillim të data-base mikrobiologjik, programi
WHONET për ruajtjen dhe analizën e të dhënave mikrobiologjike nga Organizata
Botërore e Shëndetësisë është një mjet i rëndësishëm që është pa pagesë dhe mund të
përshtatet me nevojat e çdo laboratori.
Laboratori mikrobiologjisë është përgjegjës për shpërndarjen e rezultateve
mikrobiologjike. Të gjithë rezultatet e laboratorit duhet t‘i raportohen klinikave sa më
shpejt. Rezultatet që mund të tregojnë një çrregullim nozokomial të rëndësishëm si në
rastin e studimit të mësipërm, duhet të raportohet në KKI. Rezultatet që tregojnë për
prezenca mikro organizmash të cilat kanë implikime të rëndësishme në shëndetin publik
të pacientëve, duhet t‘i nënshtrohen analizave për rishikime të protokollit të mjekimit si
edhe t‘i nënshtrohen raportimeve në institucionet përkatëse.
Laboratori mikrobiologjik është përgjegjës për kapjen e herëshme të grupeve të
mikrorganizmave me karakteristika fenotipike të njëjta. Studimet laboratorike dhe
epidemiologjike të çrregullimeve të pritëshme duhet të drejtohen në paralel. Gjatë
çrregullimeve laboratori mikrobiologjik bashkëpunon me KKI, për të zgjedhur mostrat që
do të mblidhen. Në disa situata, duhet të merren në konsideratë edhe kolonitë e mbartësve
të ndryshëm, sidomos kur bëhet fjalë për prezencë mikrobike tek personeli mjekësor i
spitalit. Të gjithë investigimet e çrregullimeve duhet të bëhen në kohën e duhur.