M E D I C U S - Shoqata e Mjekëve Shqiptarë të Maqedonisë-Hipokrati

mostra të cilat u morrën në 5 salla operatore, 2 salla operatore të Repartit të Ortopedisë si
edhe në ambientet e Urgjencës dhe Reanimacionit. Nga ekzaminimi i 107 mostrave u
evidentuan edhe mikroorganizmat prezent në ambientet e mësiperme. Studimi tregoi se
për shkak të rëndesisë që kanë infeksionet nozokomiale, Laboratori Mikrobiologjik është
përgjegjës për identifikimin e hershem të mikrobeve me karakteristika fenotipike të njejta
dhe mjaft patogjene.
Fjalë Kyç: infeksion spitalor (nozokomial), ngarkesë mikrobike, laborator
mikrobiologjik, baktere gramnegative dhe grampozitive, sallë operatore, dezinfektim,
sterilizim, mostër ajri.
Medicus 2009, Vol. XI (1):
HYRJE
Infeksionet spitalore janë infeksione që fitohen si rezultat i shtrimit në spital. Këto
zgjasin qëndrimin dhe rrisin koston. Vetëm ne SHBA llogaritet qe 5% e pacienteve të
shtruar në spitale pësojne një infeksion te ri, pra 2 milion infeksione spitalore ne vit me
një kosto vjetore afro 2 miliard dollarë.
Mbi 2/3 e infeksioneve spitalore shkaktohen nga baktere gram negative, ndërsa
me pak se 20 % e infeksioneve spitalore shkaktohen nga ato gram pozitiv. Viruset jane
deri 4% shkaktare të këtyre infeksioneve.
Duke vlerësuar pikërisht gravitetin dhe problematikën e këtyre infeksioneve ne
shëndet dhe kosto, evidentohet edhe rëndësia që merr laboratori i mikrobiologjisë në
zbulimin, mbikqyrjen, trajtimin, kontrollin dhe parandalimin e këtyre infeksioneve
spitalore sëmundje shkaktues.
FAKTE TË NJOHURA
Detyra kryesore e laboratorit të mikrobiologjisë është identifikimi me saktësi, i
qëndrueshëm dhe i shpejtë i faktorëve përgjegjës infektues të pacienteve në spitale në
bazë të niveleve të mostrave dhe të studiojë modelet e tyre të rezistencës
antimikrobakteriale. Cilësia e rezultateve të laboratorit është e lidhur në menyre direkte
me cilësine e mostrave klinike të siguruara. Mostrat të cilat nuk janë të mbledhura dhe të
transportuara në menyrën e duhur mund të çojnë në rezultate çorientuese (1).
Laboratori i mikrobiologjise është një sistem i shpejtë në paralajmërimin për
infeksione sëmundje shkaktues. Mbikqyrja e bazuar në laborator është një pjesë esenciale
në vëzhgimin e gjerë spitalor në marrëveshje me vëzhgimin e bazuar në njësite e
pacienteve dhe në vendqëndrime specifike të infeksioneve (gjaku, zona kirurgjikale).
Mbikqyrja e rregullt e infeksioneve nozokomiale perfshin rishqyrtimet ditore të
rezultateve mikrobiologjike dhe në raporte periodike të dokumenteve mikrobiologjikë.
Laboratori mikrobiologjik është gjithashtu një sistem roje në lidhje me identifikimin e
kontaminimeve apo edhe të kolonive bakteriale të sallave operatore të spitaleve, të
sallave të lindjeve në spitalet obstetrikale apo edhe të reparteve të urgjencë-pranimeve në
spitalet e të gjitha niveleve. Këto kontaminime apo koloni përbëjnë një diagnozë të