M E D I C U S - Shoqata e Mjekëve Shqiptarë të Maqedonisë-Hipokrati

në murin e duodenit, që do të thotë se më nuk ka ekzistuar as krateri ulçeroz dhe as
erozioni, ndërsa për çrrënjosje është marrë CLO testi negativ, i bërë gjatë endoskopisë
pas 8 javësh nga fillimi i trajtimit.
Kriteret për të marrë pjesë në hulumtim kanë qenë: konstatimi endoskopik i
ulçerës në duoden me diametër 3-20 mm si dhe statusi pozitiv për HP i rezultuar nga
CLO testi.
Kriteret për mospjesëmarrje në hulumtim kanë qenë: të sëmurët me sindromën
Zollinger - Ellison, me sëmundje kronike të zemrës, veshkëve, mëlçisë dhe mushkërive,
të sëmurët të cilët kanë marrë për trajtim ndonjë antimikrobikë dhe/ose antisekretorë,
kortikosteroide, barna antireumatike josteroide në periudhën 3 javore para fillimit të
hulumtimit, të sëmurët e ndjeshëm në barnat e shfrytëzuara, alkoolikët dhe narkomanët,
shtatëzënat dhe gratë në laktacion dhe të sëmurët me moshë më të re se 18 vjeç.
Ekzaminimet endoskopike dhe biopsitë për CLO testet janë realizuar në QKUK, Klinikën
Interne, Repartin e Gastroenterohepatologjisë në Prishtinë. Në kuadër të përpunimit
statistikor dhe analizës, janë përdor metodat e statistikës deskriptive dhe analitike, me
çrast për përpunimin e të dhënave me përqindje është zbërthyer testi t i studentit, ndërsa
për përpunimin e të dhënave si frekuenca χ 2 testi (tabela e kontigjencës 2x2).
REZULTATET
Nga të dhënat demografike rezulton se mosha mesatare e të sëmurëve të
hulumtuar në studimin tonë ka qenë 43.37±10.11 vjeç. Sa i përket strukturës gjinore në
tërësi, 85 ose 69% prej 123 të sëmurëve kanë qenë meshkuj, ndërsa 38 ose 31% femra.
Ndër ankesat më të shprehura në të hulumtuarit tanë me ulçerë duodenale kanë qenë:
dhimbja abdominale në 104 ose 85%, vjellja në 52 ose 42%, mungesa e oreksit në 22 ose
18%, humbja e peshës në 13 ose 11% dhe gjakderdhja nga ulçera në 10 ose 8% të
sëmurë.
Madhësia e ulçerës në të hulumtuarit tanë ka qenë si vijon: në grupin me diametër
nën 15 mm kanë qenë 103 ose 83.74% dhe në grupin me diametër mbi 15 mm 20 ose
16.26% të sëmurë. Sipas lokalizimit, në 69% të rasteve ulçera duodenale ka qenë e
lokalizuar në murin e përparm dhe 31% në murin e pasëm të duodenit.
Rezultatet tona me tri protokolet e bazuara në pantoprazol janë paraqitur në
tabelat 1 dhe 2 si dhe grafikonin 1.
Tabela 1.
Krahasimi i rezultateve të çrrënjosjes së HP me tri protokolet e bazuara në pantoprazol
Lloji i
protokolit
Çrrënjosja
Gjithsej
PO JO
N % N %
PAC 38 91 4 9 42
PMC 37 90 4 10 41
PAM 28 71 12 29 40
Gjithsejt 103 84 20 16 123