M E D I C U S - Shoqata e Mjekëve Shqiptarë të Maqedonisë-Hipokrati

QËLLIMI I HULUMTIMIT
Në këtë punim janë parashtruar këto qëllime:
Të hulumtohet dhe të krahasohet efikasiteti i tri protokoleve të terapisë së trefishtë
bashkëkohore të bazuar në pantoprazol, në shërimin e ulcerës dhe eliminimin e HP në të
sëmurët me ulcerë duodenale (protokoli numër 1: Pantoprazol, amoksicilinë dhe
klaritromicinë; protokoli numër 2: Pantoprazol, metronidazol dhe klaritromicinë;
protokoli numër 3: Pantoprazol, amoksicilinë dhe metronidazol).
MATERIALI DHE METODAT E PUNËS
Në këtë hulumtim klinik prospektiv, krahasues, manipulativo - terapeutik, i
randomizuar dhe i kontrolluar janë analizuar 123 të sëmurë nga ulçera duodenale, të
hospitalizuar në Klinikën Interne, Reparti i Gastroenterohepatologjisë në Prishtinë.
Duke u nisur nga tri protokolet e bazuara në pantoprazol dhe dy antimikrobikë, janë
formuar tri grupe të të sëmurëve: njëri grup, 42 të sëmurë, është trajtuar me protokolin
PAC, grupi i dytë, 41 të sëmurë, me protokolin PMC dhe grupi i tretë, 40 të sëmurë, me
protokolin PAM.
Diagnoza e sëmundjes është përcaktuar me ekzaminim endoskopik – makroskopik,
është marrë biopsia për CLO test nga mukoza e antrumit për të verifikuar infeksionin me
HP, si dhe është përcaktuar madhësia e ulçerës (nën 15 mm dhe mbi 15 mm). Pas
verifikimit endoskopik të diagnozës së ulçerës duodenale, të infeksionit me HP dhe të
madhësisë së ulçerës, të sëmurët janë alokuar në tri grupe dhe janë nënshtruar tretmanit
në bazë të protokoleve:
Protokoli i parë terapeutik (PAC):
1. Pantoprazol – 2 herë në ditë nga 40 mg
2. Amoksicilinë – 2 herë në ditë nga 1.0 gr
3. Klaritromicinë –2 herë në ditë nga 500 mg
Protokoli i dytë terapeutik (PMC):
1. Pantoprazol – 2 herë në ditë nga 40 mg
2. Metronidazol – 3 herë në ditë nga 400 mg.
3. Klaritromicinë –2 herë në ditë nga 500 mg
Protokoli i tretë terapeutik (PAM):
1. Pantoprazol – 2 herë në ditë nga 40 mg
2. Amoksicilinë – 2 herë në ditë nga 1.0 gr
3. Metronidazol – 3 herë në ditë nga 400 mg.
Të tri protokolet e bazuara në pantoprazol janë aplikuar në kohëzgjatje dy javore.
Në fund të trajtimit të gjithë të sëmurëve sërish u janë evidentuar ankesat e mundshme, që
kanë perzistuar, si dhe efektet anësore të terapisë së aplikuar si: dhimbja abdominale,
vjellja, humbja e oreksit, humbja në peshë dhe gjakderdhja.
Pas trajtimit dy javor, është vazhduar trajtimi për të sëmurët e të gjitha grupeve
me pantoprazol 20 mg një herë në ditë edhe për gjashtë javët e ardhshme, në fund të së
cilës periudhë është përsëritur ekzaminimi endoskopik për të verifikuar statusin e ulçerës
dhe eliminimin e HP. Si shërim endoskopik është konsideruar epitelizimi i plotë i defektit