M E D I C U S - Shoqata e Mjekëve Shqiptarë të Maqedonisë-Hipokrati

� покривање на трошоците за лекување на осигурените лица;
� парично обештетување при времена неработоспособност; и
� некои други можни плаќања, на пример за превентивна дејност.
Поимот ―доброволно здравствено осигурување‖ ја одразува можноста на
граѓаните да учествуваат слободно – по свој избор, во формирањето на здравствено
осигурителните фондови и нивното право да си го определат по свој избор пакетот
на здравствени услуги, за кој што ќе бидат осигурени (12). Познато е дека клучниот
збор за разбирање на суштината и перспективите на доброволното здравствено
осигурување е избор. Во условите на нашата држава, можноста за избор ќе биде
решавачка и најголема предност на системот за доброволно здравствено
осигурување (2).
Изборот значи присуство на трите помеѓу себе поврзани и зависни еден од
друг фактори:
� алтернативи;
� конкуренција и
� природна контрола врз квалитетот.
Во нашето општество кое се уште се демократизира, допрва ќе треба да се
зголемува улогата на можностите за избор т.е. избор на здравствени услуги, избор
на лекар и здравствена установа и т.н. Притоа, не станува збор само за избор, тука
за избор на здравствени услуги со висок квалитет (9).
Во овој аспект, создавањето на монополски (задолжителен) здравствено
осигурителн фонд, само по себе си е извесна бариера за адекватна здравствена
реформа од современ тип. Заедно со тоа, проблем претставува и отсуството на
доволно раширени и долгорочни стратегии – концепции за развој на здравственото
осигурителната дејност во нашава држава, како една системска целина (6).
ЦЕЛ
Целта на нашето истражување е да се покаже дека населението од нашата
држава е изложено на реални дополнителни плаќања во здравствениот систем, и
дека со реактивирање на постоечкиот втор столб за доброволно здравствено
осигурување, кој патем не е во функција (7), законски би се регулирале тие
дополнитени плаќања од една страна, а друга би се намалил ризикот од
непредвидени трошоци на самото население (8).
АНАЛИЗА
Анализата на податоците од Табела 1 и Табела 2 укажува на потрошувачка
на ФЗОМ во 2006 година во висина од 13.8 милијарди денари (6664 денари по
глава) за здравствени услуги, а повраток на средства во висина на само 513
милиони денари (252 денари по глава) или како приходи од партиципација (види
Табела 2, 3, 4).
Табела 1