M E D I C U S - Shoqata e Mjekëve Shqiptarë të Maqedonisë-Hipokrati

Te AR, shfaqen dy tipe kryesore të anemisë:
- Tipi parë, korrelon me aktivitetin e sëmundjes, dhe kjo formë e anemisë është
tregues i aktivitetit të AR dhe
- Tipi i dytë, shfaqet si pasojë e humbjes kronike të gjakut në sistemin
gastrointestinal, kryesisht, për shkak të mjekimit kontinual me antiinflamatorë
josteroidë, glukokortikoide, etj.
Te të sëmurët me AR, më rrallë, mund të shfaqen edhe tipe tjera të anemisë, siç
janë: anemia megaloblastike, pernicioze, hemolitike autoimune dhe aplastike (6).
QËLLIMI I PUNIMIT
Ky studim ka për qëllim të hulumtoj shpeshtësinë dhe graviditetin e anemisë si
një manifestim i rëndësishëm jashtartikular te të sëmurët me AR, dhe korrelacionin e
anemisë me aktivitetin dhe kohëzgjatjen e sëmundjes.
MATERIALI DHE METODA
Në punim prospektiv janë analizuar 30 të sëmurë me AR, 25 femra dhe 5
meshkuj, me moshë mesatare 44,6 vjeç, që janë mjekuar në mënyrë ambulatore në OSH.
―Interna‖ në Shkup dhe OSH. ―Rheuma‖ në Çegran, në periudhën e viteve 2000-2008. Të
gjithë të sëmurët i kanë plotësuar kriteret diagnostike ARA/ACR të vitit 1987 (7). Gjatë
trajtimit të AR kujdes i veçantë i është kushtuar sindromit anemik dhe i kemi përcjellë
vlerat e ER, Hgb dhe HCT. Kategorizimi i sindromit anemik është bërë sipas këtyre
kritereve: (a) anemi e lehtë ose e moderuar, nëse përqëndërimi i Hgb te meshkujt ishte
90-120 g/l, kurse te femrat 80-110 g/l dhe (b) anemi e shprehur, nëse përqëndërimi i Hgb
te meshkujt dhe femrat ishte nën 70-80 g/l.
REZULTATET DHE DISKUTIMI
Sindromi anemik në grupën e të sëmurëve tonë të hulumtuar me AR është gjetur
te 15 ose 50% (12 femra dhe 3 meshkuj). Anemia e lehtë ose e moderuar është gjetur te
80%, (10 femra dhe 2 meshkuj, me vlerë mesatare të Hgb 102,68±6,2 g/l), kurse e
shprehur te 20% (2 femra dhe një mashkull, me vlerë mesatare të Hgb 79±0,00 g/l).
Përqindja më e lartë e anemisë së lehtë ose të moderuar në krahasim me aneminë e
shprehur statistikisht është sinjifikante, si te femrat (p