Shqip

sektor është rritur gjatë dy viteve të fundit, ai është ende i ulët dhe i pamjaftueshëm për të
zbatuar politikat për mbrojtjen e mjedisit. Për më tepër, buxheti i ulët për këtë sektor, e
vështirëson edhe procesin e miratimit të strategjive sektoriale. Edhe përkundër faktit që
legjislacioni horizontal është pothuajse tërësisht i transpozuar, sfidë mbetet zbatimi i
legjislacionit që është në fuçi, si në rastin e implementimit të Ligjit për Vlerësimin e Ndikimit në
Mjedis, ku cilësia e raporteve ende mbetet e dobët dhe kërkon përmirësim. Ngritja e
kapaciteteve institucionale, administrative dhe njerëzore është një nga sfidat më të rëndësishme
për të mundësuar implementimin e standardeve evropiane. Sfidë tjetër e rëndësishme në këtë
sektor është përfshirja dhe harmonizimi i politikave mjedisore dhe klimatike në politikat e
sektorit të energjisë, transportit, industrisë, bujqësisë dhe në sektorin e arsimit (edukimi
mjedisor).
Ndër të tjera, sfiduese mbetet transpozimi i legjislacionit për ndryshime klimatike si dhe
përpilimi i dokumenteve nacionale siç janë: Strategjia për Ndryshime Klimatike, plani kombëtar
për zbutjen e ndryshimeve klimatike, kompletimi i inventarit me të dhënat e gazërave serrë nga
të gjithë sektorët, sfidë kjo e cila do merr kohë për tu adresuar.
Masat për përmbushjen e obligimeve në kuadër të MSA-së
Sipas MSA-së, Kosova duhet të forcoj bashkëpunimin e saj me BE-në ne luftën kundër përkeqësimit të
mjedisit me theks në kualitietin e ajrit dhe ujit, menaxhimit të mbeturinave, mbrojtjen e natyrës,
mbikëqyrjen dhe zvogëlimin e shkarkimeve industriale, promovimin e efiçiencës së energjisë dhe sigurisë
në të gjitha stabilimentet industriale, mbrojtjen e tokës, klasifikimin dhe trajtimin e sigurt të kimikateve
dhe planifikimin urban.
Bashkëpunimi sipas MSA-së do të përdoret gjithashtu për të zhvilluar politikën e Kosovës për klimën dhe
për të ndihmuar përfshirjen e Kosovës në përpjekjet globale për të zbutur dhe adaptuar me ndryshimin e
klimës. Një bashkëpunim me i ngushtë do të ndihmonte Kosovën në miratimin e legjislacionit të
nevojshëm si dhe krijimin e një organizimi të duhur administrativ. Kjo do të ndihmojë Kosovën në
përfshirjen e rrjedhave në energjetikë, transport, industri, bujqësi dhe politikat e arsimit.
Në anën tjetër, për të përmbushur obligimet dhe përgjegjësit që rrjedhin nga MSA, Kosova duhet të
intensifikoj përpjekjet për kompletimin e kornizës ligjore në harmoni me acquis communautaire,
Në këtë drejtim, Kosova do të miraton një numër të konsiderueshëm të ligjeve, ndër më të
rëndësishmit: Projektligji për Ofruesit e Shërbimeve të Ujësjellësit; Ujërave të Ndotura dhe
Furnizuesve të ujit me shumicë; Projektligjin për Eko-fondin, i cili do mundëson investimet
kapitale për implementimin e politikave mjedisore; Projektligjin për Ujërat e Kosovës;
Projektligjin për Inspektoratin e Mjedisit, Ujërave, Planifikimit Hapësinor dhe Ndërtimit, me
qëllim të fuqizimit të inspektoratit i cili do monitoroj zbatimin e politikave mjedisore;
Projektligjin për Planifikim Hapësinor; etj. Gjithashtu, fusha e përafrimit të legjislacionit me atë
të BE-së do të plotësohet me miratimin e Strategjisë së Përafrimit të legjislacionit mjedisor dhe
planit të investimeve në këtë sektor. Me qëllim të përmirësimit të politikave sektoriale, Qeveria
do të miratoj strategjitë dhe planet e veprimit të cilat rregullojnë fushën e ajrit, menaxhimit të
mbeturinave, ujit, pellgjeve lumore dhe planet hapësinore e urbanistike.
Në rrafshin operacional, me qëllim të përmirësimit të gjendjes së mjedisit në Kosovë,
institucionet përgjegjëse do të funkcionalizojnë plotësisht rrjetin për monitorimin e cilësisë së
ajrit, duke harmonizuar të dhënat dhe duke ngritur edhe cilësinë e raportimit të të dhënave
81
Plani i Veprimit për negocimin e Marrëveshjes së Stabilizim-Asociimit