Shqip

Në fushën e aviacionit civil janë përgjegjës MI, MPB dhe AAC dhe Komisioni për Hetimin e
Aksidenteve dhe Incidenteve Aeronautike (KHIAA). MI është përgjegjës për zhvillimin e
politikave kombëtare për transportin ajror, dhe nxjerrjen e rregulloreve lidhur me ekonominë e
transportit ajror. Ndërkaq, MPB është përgjegjëse për vendosjen dhe ruajtjen e sigurimit ajror.
Në këtë kontekst është themeluar edhe Komisioni Kombëtar për Sigurimin e Aviacionit Civil si
strukturë ndërinstitucionale që udhëhiqet nga MPB dhe ka për obligim të monitorojë zbatimin e
legjislacionit dhe kuadrit ligjor të BE-së në fushën e sigurimit të aviacionit civil. Ndërsa, AAC
është agjenci e pavarur rregullatore e cila është përgjegjëse për rregullimin e sigurisë së
aviacionit civil, rregullimin ekonomik të aeroporteve dhe shërbimeve të navigimit ajror në
Kosovë, përkatësisht të zbatojë legjislacionin e aviacionit civil duke i dhënë efekt politikave të
miratuara nga Qeveria në fushën e aviacionit civil. Po ashtu, KHIAA është organ përgjegjës për
hetimin e aksidenteve dhe incidenteve në transportin ajror dhe hekurudhor.
Megjithatë, edhe përkundër arritjeve substanciale, sektori i transportit ende ballafaqohet me
sfida shumëdimensionale në procesin e integrimit evropian. Në ketë kontekst, sfidë afatmesme
sa i përket avancimit të legjislacionit është amandamentimi i tri ligjeve (Amandamentimi i Ligjit
Nr. 02/L-70 mbi Sigurinë në Komunikacionin Rrugor; Amandamentimi i Ligjit Nr. 02/L-127
mbi Transportin Rrugor; Amendamentimi i Ligjit Nr. 2004/06 mbi Transportin e Mallrave të
rrezikshme) dhe harmonizimi i mëtejme me acquis communautaire. Në kontekst më të gjerë,
problemi i sigurisë në komunikacionin rrugor, përkatësisht shkalla e lartë e aksidenteve rrugore
vazhdon të sfidojë MI dhe institucionet tjera përgjegjëse në këtë segment sektorial. Për më tepër,
kapacitetet e kufizuara të inspektimit, automjetet e vjetra si dhe cilësia e ulët e infrastrukturës
rrugore janë disa prej sfidave të cilat janë duke pamundësuar zbatimin e plotë të legjislacionit
nga MI.
Në sektorin e hekurudhave, disa prej sfidave kryesore janë mungesa e investimeve,
harmonizimi i mëtejme i çështjeve financiare në mes të InfraKos-it dhe TrainKos-it, si dhe
fuqizimi i ARH-s me buxhet dhe trajnimi i stafit. Përkundër një varg të arriturash në sektorin e
aviacionit, përmirësimi i kapaciteteve për sigurimin e aviacionit civil që menaxhohet nga MPB
vazhdon të mbetet një nga sfidat kryesore. Ndërkaq, pengesat politike për pjesëmarrjen dhe
përfaqësimin e Kosovës në institucione të ndryshme ndërkombëtare janë sfidat kryesore sa i
përket avancimit të bashkëpunimit ndërkombëtar në sektorin e transportit që njëkohësisht po
ndikojnë negativisht edhe në zbatimin e legjislacionit dhe përmbushjen e standardeve të BE.
Masat për përmbushjen e obligimeve në kuadër të MSA-së
Në kontekst të avancimit të marrëdhënieve me BE, përkatësisht nënshkrimit të MSA, Kosova do të
kontribuoje në ristrukturimin dhe modernizimin e sistemeve të transportit dhe përmirësimin e
infrastrukturës përkatëse, duke përmirësuar lëvizjen e lirë të udhëtarëve dhe të mallrave, dhe duke arritur
standarde të krahasueshme me ato që mbizotërojnë në BE, duke e përshtatur legjislacionin e transportit
me BE-në, dhe duke mundësuar qasje të avancuara dhe reciproke në tregjet e transportit në mes BE-së
dhe Kosovës.
Me qëllim të përmbushjes së kërkesave të dalura nga Marrëveshja e Stabilizim Asociimit, Kosova do
të intensifikoj përpjekjet për kompletimin e kornizës ligjore në harmoni me acquis
communautaire, balancimin e investimeve me prioritetet strategjike dhe forcimin e kapaciteteve
profesionale. Në këtë drejtim, Kosova do të miratoj ligjin mbi Agjencinë e Navigacionit Ajror
(ANA), me të cilin ligj do të garantojë menaxhim profesional dhe pavarësi të plotë të ANA.
77
Plani i Veprimit për negocimin e Marrëveshjes së Stabilizim-Asociimit