Shqip

anëtarësimit të institucioneve të Kosovës në organizma ndërkombëtare për shkaqe politike
vazhdon ta sfidojë sektorin e telekomunikacionit dhe politikave audiovizuele duke shkaktuar
probleme në çështjet si marrja e kodit shtetëror për telefon, për internet si dhe shpërndarje të
pamjaftueshme të spektrit frekuencor, përfshirë edhe transmetimet digjitale.
Masat për përmbushjen e obligimeve në kuadër të MSA-së
Në kontekst të nënshkrimit të MSA, Kosova përmes përafrimit të kornizës legjislative në sektorin e
telekomunikacionit dhe shërbimeve postare me acuqis communiatre do të përfshijë në veçanti: i)
zhvillimin e mëtejshëm të aspekteve ligjore dhe rregullative për telekomunikacionin dhe shërbimet
postare;), ii) liberalizimin e shpejte të sektorit),iii) nxitjen e një mjedisi miqësor për investuesit në
modernizimin e rrjetit të telekomunikacionit të Kosovës dhe integrimin në rrjetet Evropiane dhe botërore,
iv (reformat institucionale të përshtatshme për një mjedis të liberalizuar. Sa i përket politikave
aduiovizuele, MSA-ja do të nxisë bashkëpunimin kulturor me synim që të forcojë kapacitetet e politikave
kulturore të Kosovës, duke përforcuar kapacitetin e veprimeve kulturore si dhe rritjen e mirëkuptimit të
ndërsjellë në mes të individëve, pakicave dhe njerëzve. Për me tepër, Kosova do të vë në linjë politikat dhe
legjislacionin me ato të BE-së, duke përfshirë edhe transmetimet ndër kufitare dhe të drejtën e pronësisë
intelektuale për programet dhe transmetimet satelitore apo kabllore. Ndërkaq, reformat e saj institucionale
do të duhej të promovojnë diversitetin kulturor, lirinë e shprehjes, lirinë e fjalës, transmetuesi publik
progresiv të përshtatshëm për një mjedis të liberalizuar,si dhe ruajtjen e pavarësisë dhe kapaciteteve të
organeve rregullative. MSA-ja do të përfshijë gjithashtu edhe dispozitat e themelimit të parimeve të
përgjithshme për pjesëmarrjen e Kosovës në Programet e BE-së siç është Programi Evropian i
Kreativitetit.
Me qëllim të përmbushjes së kërkesave të dalura nga Marrëveshja e Stabilizim Asociimit, Kosova do
të intensifikoj përpjekjet në agjendën e përafrimit të legjislacionit, implementimit efektiv të
politikave dhe thellimit të reformave. Në kontekst të avancimit dhe përafrimit të kornizës
legjislative, Kosova do të miratoj Ligjin për Organet Qeveritare të Shoqërisë Informative dhe
Ligjin për Dixhitalizim të Transmetimeve Radiodifuzive Tokësore. Ndërkaq, me qëllim të
implementimi të politikave në mënyre efektive , Qeveria e do të zhvilloj dhe miratoj strategji
sektoriale. Ndër të tjera, Qeveria do të miratoj dokumentin e Politikave për Sektorin e
Komunikimeve Elektronike me qëllim të përcaktimit të prioriteteve, objektivave dhe detyrave të
zhvillimit të shoqërisë së informacionit duke maksimizuar përparësitë sociale dhe ekonomike
që ofrojnë teknologjitë informative dhe komunikuese. Po ashtu, Qeveria do të miratoj edhe
Strategjinë për Dixhitalizim si dokument themelor për kalimin nga sistemi analog në sistemin
dixhital të transmetimit.
Megjithatë, përveç miratimit të legjislacionit dhe strategjive sektoriale si kushte primare,
Qeveria do të angazhohet në ruajtjen e pavarësisë, forcimin e kapaciteteve institucionale dhe
profesionale të rregullatorëve si ARTKEP dhe KPM. Për më tepër, në këtë vijimësi
angazhimesh, MZhE do të forcojë kapacitet profesionale sa i përket koordinimit të politikave
për shoqërinë informative dhe çështjet që rrjedhin nga Agjenda Digjitale e Evropës.
Rrjedhimisht, përmes reformave institucionale, forcimit të kapaciteteve profesionale, dhe
intensifikimit të bashkëpunimit ndërkombëtar për të siguruar kodin shtetëror për telefon,
domenin shtetëror për internet, dhe anëtarësimin në Unionin Ndërkombëtar të
Telekomunikacionit (ITU), Kosova synon modernizimin e rrjetit të telekomunikacionit,
integrimin në rrjetet Evropiane dhe pjesëmarrje aktive në programet e BE-së për sektorët
përkatës.
75
Plani i Veprimit për negocimin e Marrëveshjes së Stabilizim-Asociimit