Shqip

Plani i Veprimit për negocimin e Marrëveshjes së Stabilizim-Asociimit
sferën e telekomunikacionit janë duke u implementuar Politikat e Sektorit të
Telekomunikacionit, dokument që përcakton vizionin, prioritetet dhe objektivat për rregullimin
e fushave të ndryshme të jetës sociale dhe zgjerimit të mundësive për paraqitjen e alternativave
inovative. Ndërkaq, në kontekst të zhvillimeve pozitive të shoqërisë së informacionit është
miratuar Strategjia Nacionale për Shoqëri të Informacionit e cila është produkt i një partneriteti
multisektorial dhe ka si qëllim zhvillimin e qëndrueshëm njerëzor duke u mbështetur në
drejtësi sociale, barazi të mundësive, liri, respektimin e dallimeve kulturore, pjesëmarrje civile
dhe përparim shkencor përmes shfrytëzimit të teknologjisë informative dhe komunikuese. Për
më tepër, në kuadër të bashkëpunimit rajonal, Qeveria e Kosovës ka nënshkruar dokumentin e
“SEE Agjenda+ për Zhvillimin e Shoqërisë së Informacionit në EJL 2007-2012” ku shpreh
vendosmërinë e plotë në zbatimin e prioriteteve dhe objektivave nga ky dokument, si një hap
pozitiv drejt përpjekjeve të përbashkëta për ndërtimin dhe avancimin e Shoqërisë së
Informacionit në vendet e EJL. Sa i përket avancimit të ofrimit të shërbimeve elektronike për
qytetarët është duke u zbatuar Strategjia e Qeverisjes Elektronike e cila ka si objektiv strategjik
ofrimin e shërbimeve të institucioneve qeveritare përmes teknologjisë së informacionit dhe
komunikimit (si WAN, Internet, rrjetit mobil) ndaj qytetarëve, bizneseve dhe kategorive të tjera.
Në kontekst të organizmit të përgjegjësive institucionale në nivel sektorial janë themeluar dhe
funksionalizuar institucionet kyçe për hartimin e ligjeve, dokumenteve strategjike dhe
implementimin e politikave. Institucione kyçe për politikat audio vizuale dhe të
telekomunikacionit janë MZhE dhe MAP, si struktura përgjegjëse për përgatitjen e legjislacionit
dhe strategjive sektoriale për fushat e komunikimit elektronik, shoqërisë së informacionit dhe
qeverisjes elektronike. Ndërkaq, për zbatimin dhe monitorimin e dokumenteve të
lartpërmendura kujdesen Autoriteti Rregullativ Komunikimeve Elektronike (ARKEP) – ish:
Autoriteti Rregullativ i Komunikimeve Elektronike e Postare (ARKEP) dhe KPM. Për më tepër,
ARKEP është institucion përgjegjës për rregullimin e tregut të komunikimeve elektronike dhe
atyre postare dhe zbaton politikat dhe strategjitë e sektorit të komunikimeve elektronike dhe
postare të përcaktuara nga Qeveria. Gjithashtu, ARKEP është përgjegjës për menaxhimin me
spektrin frekuencor. Në anën tjetër, KPM është organ kompetent për rregullimin, menaxhimin,
mbikëqyrjen e spektrit të frekuencave për transmetimet radio-difuzive, duke rregulluar të
drejtat, detyrimet si dhe përgjegjësitë e personave fizik dhe juridik të cilët ofrojnë shërbimet
mediale audio dhe audiovizuele.
Megjithatë, përkundër progresit substancial në sektorin e komunikimeve elektronike, shoqeirsë
së informacionit dhe politikave audiovizuele, një varg sfidash komplekse me të cilat
ballafaqohen institucionet përgjegjëse e vështirësojnë implementimin efektiv të standardeve të
BE-së, përfshirë kompletimin e kornizës legjislative si dhe ngritjen e kapaciteteve profesionale
për monitorim dhe implementim të reformave. Në këtë drejtim, Kosova duhet të vazhdojë
përpjekjet për të përafruar dhe harmonizuar kornizën ligjore dhe strategjike me BE-në. Në këtë
kuadër angazhimesh, sfidë afatmesme është kompletimi i kornizës ligjore me miratimin e Ligjit
për organet qeveritare të shoqërisë informative dhe Ligji për Dixhitalizim të transmetimeve
radio difuzive tokësore. Ndërkaq, në aspektin operacional të politikave audiovizuele, sfidë
mbetet miratimi i strategjisë për kalim nga sistemi analog në sistemin digjital të transmetimit.
Po ashtu, pavarësisht miratimit të Ligjit për RTK, sfidë kruciale vazhdon të mbetet
qëndrueshmëria afatgjate për këtë transmetues të vetëm publik. Për më tepër, sa i përket
sfidave që ndërlidhjen me zhvillimet institucionale sektoriale janë ruajtja e pavarësisë dhe
ngritja e kapaciteteve profesionale në ARKEP dhe KPM. Në anën tjetër, pamundësia e
74