Shqip

Plani i Veprimit për negocimin e Marrëveshjes së Stabilizim-Asociimit
Për përmirësimin e gjendjes së shëndetit publik në Kosovë, Ministria e Shëndetësisë duhet të
kompletoj legjislacionin primar dhe atë sekondar me të gjitha aktet nënligjore përkatëse me
qëllim të adresimit të sfidave të dalura nga Studimi i Fizibilitetit.
Me qëllim të përmbushjes së kërkesave të dalura nga Marrëveshja e Stabilizim Asociimit, korniza
legjislative duhet të amandamentohet dhe miratohet duke përmirësuar ligjet e lartpërmendura,
si: Ligjin për Sigurime shëndetësore, Ligjin për Duhanin, Ligjin për transplantimin e Organeve
dhe Indeve, Ligjin për sëmundjet ngjitëse si dhe Ligjin për Odat e profesionistëve. Krahas kësaj,
do të bëhet edhe funksionalizimi i Sistemit të Informimit shëndetësor i cili ka një rëndësi shumë
të madhe në aspektin e grumbullimit e të dhënave të sëmundjeve malinje si dhe sëmundjeve të
rralla. Gjithashtu rol të madh në implementimin e këtij sistemi ka edhe Instituti Kombëtar i
Shëndetësisë Publike të Kosovës (IKSHPK).
Nevojitet gjithashtutë forcohet monitorimi, implementimi, raportimi si dhe inspektimi i
dokumenteve relevante duke pasur parasysh që vërehet një mungesë koordinimi ndërmjet
institucioneve shëndetësore përgjegjëse për funksionimin e këtij sektori sa i përket këtyre
çështjeve.
3.7.5.2. Arsimi, trajnimi, hulumtimi dhe inovacioni
Sektori i arsimit karakterizohet me një strukture mjaft të kompletuar ligjore për të gjitha nivelet
e arsimit, si atë parauniversitar, profesional e të lartë. Ligji për Arsimin Para-Universitar është
rishikuar dhe miratuar në vitin 2011 i cili është harmonizuar me Ligjin për Arsimin në Komuna.
Korniza ligjore në fushën e arsimit dhe aftësimit profesional përfshinë Ligjin për Arsimin dhe
Aftësimin Profesional i miratuar në vitin 2006, ndërsa i rishikuar ne vitin 2012 me qëllim të
eliminimit të zbrazëtirave në arsimin dhe aftësimin profesional. Po ashtu janë rishikuar Ligji për
Veprimtarinë Kërkimore-Shkencore, Ligji për Kornizën Kombëtare të Kualifikimeve dhe Ligji
për Arsimimin e të Rriturve. Arsimi i Lartë në Republikën e Kosovës rregullohet me Ligjin për
Arsimin e Lartë, i miratuar në vitin 2002 dhe i rishikuar dhe miratuar në vitin 2011 me qëllim të
harmonizimit me reformat aktuale në sektorin e arsimit.
Arsimi është një nga sektorët e paktë të cilët kanë hartuar kornizën strategjike gjithëpërfshirëse
të sektorit të arsimit e cila mbulon të gjithë nën sektorët e arsimit (PSAK 2011-2016). PSAK
vendos kornizën e politikave drejt përmbushjes së standardeve të BE-së.
Korniza institucionale në sektorin e arsimit është mjaft e avancuar, ku përpos MASHT si bartëse
kryesore për implementimin e politikave arsimore, janë edhe Universitetet Publike (Prishtinë,
Priren dhe Pejë), Instituti Albanologjik dhe ai i Historisë, Autoriteti Kombëtar i Kualifikimeve,
Agjencia për Akreditim, Biblioteka Kombëtare Universitare etj. MASHT po ashtu ka krijuar
Task Forcën për analizimin financiar, definimin, propozimin dhe balancimin e burimeve të
mundshme financiare për implementimin e strategjisë. Po ashtu, se shpejti pritet të themelohet
Komiteti Drejtues i PSAK-ut, që do të jetë përgjegjës për mbikëqyrjen e implementimit të tij.
Edhe përkundër arritjeve të mëdha në sektorin e arsimit, ende mbesin sfida të cilat vështirësojnë
implementimin më efektiv të PSAK-ut dhe reformave të tjera të iniciuara nga MASHT.
Përkundër miratimit të legjislacionit primat, ende duhet të draftohen aktet nënligjore të ligjeve
që janë rishikuar dhe presin miratimin në fund të këtij viti dhe të cilat do ta kompletonin
72