Shqip

para të pasluftës. Nevojat shëndetësore të popullatës dhe mundësitë e kufizuara buxhetore për
financim adekuat të shërbimeve shëndetësore e bëjnë këtë reformë edhe më të rëndësishme.
Aktivitetet aktuale reformuese janë të mbështetura në kornizën e qartë ligjore që është në pajtim
të plotë me Strategjinë sektoriale të shëndetësisë 2010 – 2014 dhe Acquis Communitaire dhe e
cila është e dakorduar në tërësi me Bankën Botërore, Fondin Monetar Ndërkombëtar dhe
Organizatën Botërore të Shëndetësisë. Kjo kornizë ligjore e projekton reformën e sistemit
shëndetësor të vendit në dy faza: Ligji i ri i shëndetësisë që është miratuar në Kuvendin e
Kosovës e projekton fazën e parë të reformës strukturore dhe organizative të sistemit
shëndetësor që synon autonominë, efikasitetin dhe efektivitetin më të lartë të institucioneve
publike shëndetësore dhe barazinë e plotë të sektorit publik dhe privat në shëndetësi; ndërkaq
Projektligji i Sigurimeve shëndetësore, i cili është në procedurat e miratimit, i cili gjithashtu
projekton reformën e sistemit të financimit të sektorit të shëndetësisë dhe synon rritjen e
fondeve të nevojshme financiare si dhe qëndrueshmërinë fiskale. Ligjet e tjera të cilat do të
mbështesin këtë reformë janë: Ligji për Odat e profesionistëve shëndetësor, Ligji për kontrollin e
duhanit; Ligji për transplantimin e organeve; Ligji për transplantimin e indeve dhe qelizave;
dhe Ligji për produkte medicinale dhe pajisje mjekësore të cilët janë të përfunduar dhe para
miratimit.
Autoriteti më i lartë shëndetësor në vend është Ministria e Shëndetësisë që është bartëse e
politikave dhe strategjive sektoriale, ndërkaq sistemi i shërbimeve shëndetësore, që ofrohen në
kuadër të sektorit publik dhe atij privat, është i organizuar në tri nivele: parësor të mbështetur
në konceptin e avancimit të shëndetësisë publike dhe në konceptin e mjekësisë familjare; si dhe
dytësor dhe tretësor të mbështetur në konceptin e kujdesit të integruar shëndetësor.
Ka edhe shumë punë për tu bërë në sektorin e shëndetit publik sa i përket obligimeve të dala
nga Studimi i Fizibilitetit me qëllim të përmbushjes së këtyre obligimeve drejt MSA-s.
Megjithëse vërehet përparim në lidhje me implementimin e kornizës ligjore, edhe më tutje, ky
segment kërkon përkushtim dhe si i tillë vazhdon të mbetet ende sfidë. Në këtë drejtim
nevojitet zhvillim i mëtejmë i politikave shëndetësore si dhe ngritja e kapaciteteve njerëzore
dhe atyre infrastrukturore. Sfidë tjetër mbetet miratimi apo amandamentimi i kornizës ligjore si:
Ligjit për Duhanin, Ligjit për gjakun dhe indet dhe qelizat, Ligjit për dhurimin dhe
transplatimin e organeve si dhe Ligjit për sëmundjet ngjitëse, Projekt-ligjit për Odat e
profesionistëve pasi këto ligje e përmbushin dhe e plotësojnë kornizën ligjore në sektorin e
shëndetit publik.
Si sfidë tjetër konsiderohet edhe Sistemi i informimit Shëndetësor (SHISH) duke pasur parasysh
që funksionalizimi i tij duhet të bëhet në të gjitha institucionet shëndetësore në Kosovë.
Ndërkaq, statistikat e informacioneve shëndetësore duhet të përmirësohen.
Masat për përmbushjen e obligimeve në kuadër të MSA-së
Për t’i përmbushur obligimet e veta sipas një MSA-je, Kosova duhet të bëjë më shumë për ta nxitur
dialogun social, t’i zhvilloj më tej politikat e mbrojtjes shëndetësore, në pajtim me ligjet e BE-së për ta
përmirësuar shëndetin dhe për ta parandaluar sëmundjen e popullsisë së saj, t’i zhvilloj strukturat
administrative të pavarura dhe efektive me kompetenca të zbatimit për të siguruar kërkesat thelbësore
shëndetësore dhe të sigurisë dhe për të mbrojtur të drejtat e pacientëve, dhe për t’i mbrojtur qytetarët nga
kërcënimet e shëndetit dhe sëmundjet, të promovojë jetesën e shëndetshme dhe të bashkëpunojë më BE-në
në lidhje me çështjet shëndetësore.
71
Plani i Veprimit për negocimin e Marrëveshjes së Stabilizim-Asociimit