Shqip

Plani i Veprimit për negocimin e Marrëveshjes së Stabilizim-Asociimit
Në kuadër të decentralizimit të shërbimeve sociale, si pengesë kryesore paraqitene kapacitetet e
ulta njerëzore profesionale, të cilët do të bartnin përgjegjësitë që u janë garantuar nga niveli
qendror dhe definimi i një formule të financimit për shërbime sociale.
Për të adresuar sfidat e këtij procesi, MPMS ka hartuar Strategjinë e Decentralizimit të
Shërbimeve Sociale 2013-2017, e cila pritet të aprovohet nga Qeveria.
Për te adresuar përmirësimin dhe reformimin e Politikave të Punësimit si dhe të Politikave
Sociale, MPMS do të bëj rishikimin e Strategjisë së Punësimit dhe Strategjisë Sektoriale dhe t’i
unifikoj ato në një dokument të vetëm. Do të vazhdohet me reformimin dhe modernizimin e
Shërbimeve Publike të Punësimit, avancimit të bazës së të dhënave, zgjerimit të programeve
aktive të tregut të punës, rrumbullakimit të infrastrukturës ligjore nga fusha e punësimit, si dhe
nxitjen e zhvillimit të bashkëpunimit brenda dhe jashtë Kosovës, me qëllim të rritjes së
shkalllës së punësimit.
Masat për përmbushjen e obligimeve në kuadër të MSA-së
Kosova duhet të bëjë më shumë në nxitjen e dialogut social.Bashkëpunimi në këtë fushë sipas MSA-së do
të synojë mbështetjen e Kosovës në reformimin e politikave të punësimit. Ajo gjithashtu do të nxisë
dialogun social si një forcë kyçe në shtytjen e reformës ekonomike dhe sociale si dhe përafrimin ligjor mbi
ligjin e Punës dhe shëndetit e sigurisë në pune. Sipas MSA-së , synim do të jetë bashkëpunimi për
përshtatjen e sistemit të Kosovës për sigurim social ndaj situatës së zhvillimit ekonomik dhe kërkesave të
reja sociale. Kosova gjithashtu do të inkurajohet që të miratojë politikat për përfshirjen e plotë sociale si
dhe ato kundër diskriminimit bashkë me masat për përmirësimin e gjendjes së grupeve më të rrezikuara
sociale.
Me qëllim të përmbushjes së kërkesave që dalin nga Marrëveshja e Stabilizim Asociimi, institucionet
Kosovës do të miratojnë Ligjin për ndryshimin dhe plotësimin e Ligjit për Punë, Ligjin e ri për
Sigurinë dhe Shëndetin në Punë dhe aprovimin e Ligji i ri për Dhënien e Lejes së Punës dhe
Punësimin e Shtetasve të Huaj në Republikën e Kosovës.
Do te adresohen sfidat kryesore për sa i përket fushës së rregullimit të marrëdhënieve të punës
përmes një legjislacioni të harmonizuar me atë të Bashkimit Evropian qe ka të bëjë me
ndryshimet e nevojshme ligjore dhe rritjes së efikasitetit të zbatimit. Kjo te behet përmes
fuqizimit te inspektoratit të punës për zbatimin e ligjit si për nga shtimi i numrit të personelit
ashtu edhe nga zhvillimi profesional i tyre. Ne këtë aspekt masat do te ndërmerren për luftimi i
informalitetit në tregun e punës, përmirësimi i statistikave të punësimit dhe sistemit elektronik
të menaxhimit të tyre. Monitorimi i zbatimit të ligjeve në praktikë dhe përshpejtimi i
procedurave në Gjykatë ekonomike e cila është përgjegjëse për rastet e shkeljeve të ligjit të
punës.
Ne kuadër te dialogut social, qeveria do te përkujdeset për ngritjen e nivelit te funksionimit te
Këshillit Ekonomik Social (KES) në ngritjen e dialogut në mes të sindikatave, qeverisë dhe
partnerëve social.
Sektori i shëndetit publik është një ndër sektorët me rëndësi të madhe sepse është i lidhur direkt
me mirëqenien e njeriut dhe shëndetin. Ky sektor aktualisht paraqet prioritet të aktiviteteve
reformuese të Qeverisë së Kosovës veçanërisht duke pasur parasysh faktin se sistemi i tanishëm
shëndetësor reflekton realitetin e rrethanave emergjente në shëndetësinë Kosovare të viteve të
70