Shqip

Institucionet bartëse të procesit në nivel qendror dhe lokal janë në vend the funksionale. Për
adresimin e çështjeve që kanë të bëjnë me punësimin, përgjegjësitë kryesore i ka MPMS-ja, e cila
zhvillon aktivitetin e sajë përmes shtatë Zyrave Rajonale të Punësimit dhe njëzetetre zyrave
Komunale. Ndërsa për çështjet e aftësimit profesional MPMS vepron përmes tetë Qendrave të
Aftësimit Profesional. Për politikat sociale përgjegjësia drejtëpërdrejt bie nën MPMS-në,
respektivisht Departamentin për Mirëqenie Sociale dhe Administratën Pensionale. Për
mbikëqyrjen e zbatimit të ligjit të punës, për rregullimin e marrëdhënies së punës dhe
punësimit përgjegjësit kryesor janë, Inspektorati i Punës që është përgjegjës i drejtëpërdrejt ndaj
MPMS-së. Pas miratimit të Ligjit për Këshillin Ekonomik dhe Social (KES), Këshilli Ekonomik
Social është funksionalizuar. Ky këshill është krijuar me qëllim të vendosjes dhe zhvillimit të
dialogut social në Republikën e Kosovës për të punësuarit dhe punëdhënësit, për çështje të
rëndësisë së veçantë, të cilat kanë të bëjnë me realizimin e të drejtave të tyre ekonomike, sociale
dhe profesionale, të cilat realizohen përmes zgjidhjeve të kontesteve me marrëveshje dypalëshe
apo trepalëshe. Ky këshill ka përbërje ndërinstitucionale duke përfshirë edhe sindikatat,
përfaqësuesit e organizatave të punëdhënësve, OEK-ut dhe AKB-se.
Për implementimin e decentralizimit të shërbimeve sociale, përgjegjëse janë MPMS, MAPL dhe
institucionet e nivelit komunal.
Në përgjithësi, si sfida kryesore në sektorin e punësimit mbetet reformimi i politikave aktive të
punësimit, papunësisë, sidomos të papunësia afat-gjatë që akoma mbetet një nga problemet
kryesore, gjithashtu, sfidë mbetet sigurimi i cilësisë së aftësimit që iu përgjigjet nevojave të
tregut të punës.
Për më tepër sektori i punësimit ballafaqohet akoma me sfida, si në aspektin e krijimit dhe
përmirësimit të kornizës ligjore dhe institucionale, ashtu edhe kapaciteteve humane. Përkundër
progresit të bërë deri më tani në rregullimin e punësimit dhe mbrojtjes së punëtorëve në vendin
e punës, mbetet ende mjaft për tu bërë në këtë drejtim. Ligji i ri për Sigurinë dhe Shëndetin në
Punë pritet të miratohet nga qeveria Mungesa e kapaciteteve të inspektoratit të punës dhe
institucioneve të tjera që lidhen me zbatimin e ligjit duhet të adresohet Mekanizmat e raportimit
dhe kontrollit të zbatimit të ligjeve për mbrojtje në punë duhet të forcohen dhe duhet të tregohet
përkrahje politike për to.
Kapacitetet njerëzore duhet të rriten, sidomos në kuadër të Inspektoratit të Punës, i cili është
përgjegjës kryesor për të zbatuar Ligjin për Siguri në Punë, Mbrojtje të Shëndetit të të
Punësuarve dhe Ambientit në Punë, por edhe ligjet e tjera në kompetencë të tij. Për sa i përket
Ligjit të Punës, si ligji bazë që rregullon marrëdhënien e punës dhe punësimit, janë paraqitur
pengesa të theksuara në implementimin e tij dhe këto do të duhet të adresohen përmes
rishikimit të tij. Aspektet që duhet të adresohen gjatë rishikimit të ligjit janë: kostoja ,pushimin i
lehonisë si dhe përkrahja e Inspektoratit të Punës. Çështje tjetër që duhet adresuar është edhe
luftimi i informalitetit të tregut të punës, i cili vazhdon të jetë akoma në një përqindje mjaft të
lartë.
Ende mungon një strategji e veçantë për sigurinë dhe shëndetin në punë, por një strategji e tillë
vlerësohet të jetë mjaft e nevojshme dhe duhet te ndërmerren masa për rregullimin e kësaj
çështje. Sido që të jetë, MPMS-ja duhet që të krijoj një bazë të të dhënave mbi shëndetin dhe
sigurinë në pune.
69
Plani i Veprimit për negocimin e Marrëveshjes së Stabilizim-Asociimit