Shqip

Plani i Veprimit për negocimin e Marrëveshjes së Stabilizim-Asociimit
promovuar cilësinë dhe sigurinë e prodhimeve ushqimore. Janë paraparë veprime konkrete, ku
do të ndërtohen depo për grumbullim, ruajtje dhe klasifikim e prodhimeve bujqësore. Sa i
përket Masës 8 synohet vazhdimi i përkrahjes së projekteve rurale të Grupet Lokale të veprimit
(GLV). Ndërkaq përmes masës 5, në sektorin e pylltarisë do të vazhdohet me implementimin e
Strategjisë për Pylltari, duke pyllëzuar sipërfaqet e zhveshura, aplikimin e masave
silvikulturore ne pyje, inventarizimin e pyjeve dhe planeve menaxhuese për pyje (10 vjeçare).
Në sektorin e sigurisë ushqimore, AUVK do të përafroj legjislacionin sekondar në fushën e
sigurisë së ushqimit, shëndetit dhe mirëqenies së kafshëve duke miratuar rregulloret që dalin
nga Pako Higjienike. Qeveria e Kosovës do të bëj transferimin e inspektorëve nga komunat për
në AUV për të adresuar përforcimin e kontrollit të tregjeve të kafshëve, parandalimin e tregtisë
ilegale dhe therjet e paligjshme të kafshëve si dhe përmirësimin e kontrolleve fito-sanitare. Kjo
të përmisoj kontrollat fito-sanitare jo vetëm në kufi, por edhe brenda gjithë territorit të Kosovës.
AUVK do vazhdoj me ngritjen e kapaciteteve institucionale dhe administrative, me qëllim të
adresimit të sfidave me të cilat përballet siguria e ushqimit.
3.7.4. Doganat, Tatimet dhe kontrolli financiar
3.7.4.1. Doganat
Doganat e Kosoves karakterizohen me një legjislacion te avancuar dhe gjerësisht është në
përputhje me kodin doganor të BE-së. Ndër ligjet bazë që aplikohen nga Doganat e Kosovës
janë: Ligji për Kodin Doganor dhe të Akcizave, Ligji për Masat Doganore për Mbrojtjen e të
Drejtave të Pronësisë Intelektuale, Ligji për akciza në Produktet e Duhanit, dhe Ligji për Tatimin
mbi Vlerën e Shtuar. Së fundi Dogana e Kosovës ka miratuar ndryshimet në udhëzimin
administrativ për procedurat disiplinore për t'u përballur me pohimet për sjelljen joprofesionale
të personelit doganor. Dogana karakterizohet si dhe me Kornizën e Strategjisë Operative 2012-
2014 (KSO). Korniza e Strategjisë Operative 2012-2014 (KSO) tregon se çka ofron Dogana e
Kosovës kundrejt investimeve të parave publike nga buxheti i Kosovës, KSO gjithashtu
përcakton qëllimet dhe objektivat që realizohen nëpërmjet njësive operative, respektivisht
Drejtorive të cilat e përbëjnë Doganën e Kosovës.
Dogana e Kosovës është përgjegjëse për të siguruar aplikimin e drejtë e të njëtrajtshëm konform
rregullave doganore dhe dispozitave të tjera të aplikueshme për mallra. Gjithashtu, Dogana e
Kosovës është përgjegjëse që të grumbullohen detyrimet doganore; përveq kësaj Dogana është
institucion kyç për vjelën e TVSH-së dhe Taksave mbi Akcizën të cilat vjelën nëpër kufij. Përveç
vjeljes së të hyrave, Dogana e Kosovës është përgjegjëse edhe për mbrojtjen e shoqërisë nga
kontrabandimi i drogës dhe mallrave tjera të ndaluara me efekt të dëmshëm të krimit
ekonomik, si dhe evazionit në të hyra.
Kosova ka ndërmarre një numër të operacioneve kundër kontrabandës dhe krimit të organizuar
në kuadër të Doganave. Në mënyrë që të rritë bashkëpunimin ndërkombëtar doganor Kosova
ka nënshkruar nëntë marrëveshje dypalëshe dhe marrëveshjet tjera janë në negocim e sipër.
Shërbimi Doganor ka bere përpjekje te rëndësishme për modernizim, një përparim i
vazhdueshëm është i dukshëm ne fushën e kapaciteteve administrative dhe operative. Është e
rëndësishme se që në fillim të majit Shtator 2012 sistemi për përpunimin e deklaratave
doganore (ASYCUDA) e cila lehtëson zhdoganimin pa letra, është bërë operativ. Gjithashtu
çertifikatat e prejardhjes për mallrat që eksportohen janë të vërtetuara nga dogana për mallrat
që kanë prejardhje si nga veriu ashtu edhe nga pjesa tjetër e Kosovës.
64