Shqip

Së fundi por jo me më pak rëndësi është ngritja e kapaciteteve në agjencitë relevante, si dhe
bashkëpunimi ndërinstitucional. Këtu përfshihet trajnimi i inspektorëve të tregut dhe oficerët
doganor për zbatimin e direktivave/rregulloreve teknike të produkteve industriale jo
ushqimore, krijimi i databazës për shkëmbim të informacioneve konform RAPEX-it, plotësimi i
sektorëve përkatës të institucioneve përmes rekrutimit të zyrtarëve shtesë, dhe sigurimi i
trajnimit për funksionalizimin e bazës së të dhënave të standardeve.
3.5.5. Mbrojtja e Konsumatorit
Mbrojtja e konsumatorit është një sferë dhe problematikë me rëndësi dhe peshë të veçantë, dhe
si e tillë posedon ndikim të madh në ecuritë dhe kahet e zhvillimit ekonomik e shoqëror të
vendit. Duke ditur rëndësinë e kësaj fushe Qeveria e Kosovës është angazhuar fuqishëm në
përmirësimin e gjendjes së sektorit për Mbrojtje të Konsumatorit. Në aspektin ligjor, vlen të
ceket që Ligji për Mbrojtjen e Konsumatorit pas ndryshimeve të ndërmarra ka hyrë në fuqi në
fund të muajit Tetor, 2012. Ky ligj rregullon dhe mbron të drejtat themelore të konsumatorëve
gjatë blerjes së mallrave, shërbimeve dhe formave tjera në tregun e lirë si dhe detyrimet e
shitësit, prodhuesit dhe furnizuesit. Ligj tjetër që synon mbrojtjen dhe avancimin e të drejtave të
konsumatorit është Ligji për Kërkesa Teknike për Produkte dhe Vlerësime të Konformitetit.
Krahas kësaj, operacional është edhe Ligji për Sigurinë e Përgjithshme të Produkteve i cili ka për
qëllim të siguroj cilësi më të lartë të produkteve në vend. Më tutje, programi për Mbrojtjen e
Konsumatorit 2010-2014 është një projekt dinamik, me peshë dhe rëndësi të veçantë për
Qeverinë e Kosovës i cili përcakton politikat adekuate për mbrojtjen e konsumatorit përgjatë
periudhës së cekur. Më konkretisht, projekti synon të avancoj mbrojtjen e konsumatorit, duke e
shndërruar atë në një mbrojtje cilësore, të vazhdueshme dhe gjithëpërfshirëse në relacion me
shëndetin publik, ambientin, tregun e qëndrueshëm dhe krijimin e kushteve të favorshme për
biznesin.
Institucionet përgjegjëse për krijimin dhe zbatimin e politikave për mbrojtjen e konsumatorit,
përfshirë hartimin, miratimin dhe zbatimin e programit kombëtar për mbrojtjen e konsumatorit
janë të themeluara dhe në ushtrim të veprimtarive përkatëse. Ministria e Tregtisë dhe Industrisë
(MTI) përmes zyrës për Mbrojtje të Konsumatorit është përgjegjëse për hartimin dhe zbatimin e
politikave të këtij sektori. Organi këshillëdhënës i përbërë nga përfaqësues të MTI-së, shoqatave
për mbrojtjen e konsumatorëve, përfaqësues të bizneseve dhe ekspertë të pavarur nga fusha e
mbrojtjes së konsumatorit është Këshilli për Mbrojtjen e Konsumatorëve.
Përkundër progresit të shënuar, sektori për Mbrojtjen të Konsumatorit vazhdon të ballafaqohet
me sfida të cilat limitojnë zhvillimin dhe funksionimin adekuat të sektorit në tërësi. Kompletimi
i legjislacionit sekondar me udhëzimet administrative përkatëse është një nder sfidat kyçe, e cila
kërkon përkushtim të plotë nga institucionet përgjegjëse. Sfiduese konsiderohet edhe hartimi i
planit të veprimit për implementimin e programit për mbrojtjen e konsumatorit. Po aq sfiduese
vlerësohet edhe ngritja e kapaciteteve institucionale, mungesa e se cilës shkakton ngecje të
dukshme në sektor ngase detyrat e parapara nuk mund të realizohen në mënyrë efikase. Më
tutje, në aspektin teknik nevojitet të përmirësohet sistemi i adresimit të ankesave në divizionin
e Mbrojtjes së Konsumatorit. Ndër të tjera, një sistem i mirëfilltë i këtij sektori do të nxirrte në
pah problemet dhe shqetësimet me të cilat ballafaqohen konsumatorët në Kosovë.
51
Plani i Veprimit për negocimin e Marrëveshjes së Stabilizim-Asociimit