Shqip

kontribut të konsiderueshëm në rritjen ekonomike dhe punësimin, si dhe njëherit të garantojë të
ardhura të përshtatshme dhe stabile.
3.4. Levizja e lire e punetoreve, shërbimeve dhe e drejta e themelimit
3.4.1. Lëvizja e lire e punëtorëve
Lëvizja e lirë e punëtorëve me qëllim të punësimit dhe njëherit ofrimi i mundësisë së punësimit
të shtetasve të huaj në Kosovë, është duke u ndërtuar vazhdimisht në përputhje me standardet e
BE-së. Legjislacioni kyç i përbërë nga: Ligji i punës, Ligji për dhënien e lejes për punë dhe
punësimin e shtetasve të huaj në Republikën e Kosovës, si dhe aktet dytësore, përbëjnë
nomenklaturën ligjore të lëvizjes së punëtorëve. Politikat e punësimit dhe aftësimeve
profesionale për punëkërkuesit, Ministria e Punës dhe Mirëqenies Sociale (MPMS) i realizon
përmes Departamentit të Punës dhe Punësimit, i cili me qëllim të arritjes së objektivave në
sferën e punës, punësimit dhe aftësimeve profesionale për punëkërkuesit, ka hartuar një numër
dokumentesh strategjike: Strategjinë Sektoriale të MPMS 2009-2013; Planin e Veprimit të
Strategjisë Sektoriale 2011-2013; Strategjia për punësimin dhe aftësimin e personave me aftësi të
kufizuara; Planin e Veprimit të Partneritetit Evropian nga Fushat e Punës dhe Punësimit; Plani i
Standardeve Minimale të Shërbimeve Publike të Punësimit; si dhe dokumente tjera të
rëndësishme nga kjo sferë.
Institucionet kyçe përgjegjëse për menaxhimin dhe koordinimin e politikave ekonomiko-sociale
të punonjëse të huaj janë të themeluara dhe funksionale. Ministria e Punës dhe Mirëqenies
Sociale (MPMS) është institucioni kryesor, i cili përmes njësive të veta përgjegjëse siç është
Departamenti i Punës dhe Punësimit, qe ben hartimin, menaxhimin dhe koordinimin e
politikave të punësimit.
Edhe përkundër arritjeve në fushën e krijimit të një vendi me interes dhe mundësi ofrimi të
punësimit për shtetasit e huaj, siç janë: numri i lejeve të punës për shtetasit e huaj për vitin e
ardhshëm vendoset në fund të çdo viti kalendarik, Kosova njeh licencat e huaja në sektorin e
ndërtimit, e cila lehtëson mundësinë për kompanitë e huaja të sjellin punëtorët e tyre për të
punuar në Kosovë. Gjithashtu, avokatët të cilët janë banorë të përhershëm, janë te lejuar edhe
për të ofruar shërbime në Kosovë. Megjithatë, Kosova duhet të vazhdojë më tutje me përafrimin
e legjislacionit kosovar me acquis të BE-së, siç është ndryshimi i Ligjit për dhënien e lejes për
punë dhe punësimin e shtetasve të huaj në Republikën e Kosovës, Ligji për Skemat Pensionale
të Financuara nga Shteti si dhe aktet përcjellëse dytësore ngase legjislacioni ekzistues është i
pazhvilluar në nivelin e duhur. I njëjti është në varësi të sektorit apo nuk ka sistem të sigurimit,
sistemi ky, i cili është jo i përshtatshëm për koordinim. Po ashtu, është e nevojshme krijimi i një
platforme të koordinimit të limituar të sistemeve të sigurimeve sociale me qëllim të rritjes së
ndjeshme të kapaciteteve administrative për të futur një koordinim të kufizuar të sistemeve të
sigurimeve shoqërore siç është paraparë nga MSA. Statistikat për nevojat afatshkurtra dhe
afatgjata të fuqisë punëtore të huaj në Kosovë duhet të përcaktohen. Për më tepër, është e
nevojshme të përcaktohet numri i nevojshëm i punonjësve për rekrutim të punëtorëve të
vendeve të treta në tregun kosovar të punës. Sfiduese mbetet çështja e negocimit të
marrëveshjeve bilaterale për sigurimet shoqërore e cila dëshmohet të jetë e vështirë dhe krjiimi i
disa degëve të sigurimeve shoqërore të cilat ende nuk ekzistojnë në Kosovë.
41
Plani i Veprimit për negocimin e Marrëveshjes së Stabilizim-Asociimit