Shqip

Plani i Veprimit për negocimin e Marrëveshjes së Stabilizim-Asociimit
Me qëllim të përmbushjes së kërkesave që dalin nga Marrëveshja e Stabilizim Asociimi, sigurimi i
lëvizjes së lirë të mallrave është pjesë e vazhdueshme e objektivave prioritare të tregtisë së
Kosovës.Njëherit, kjo orienton rrugët tregtare të Kosovës drejt krijimit gradual të një zone të lirë
tregtare në përputhje me dispozitat përkatëse të OBT-së përmes shpërbërjes në mënyrë
progresive të detyrimeve doganore përkatëse në lidhje me tregtinë e BE-së, si dhe ndalimin e
krijimit të masave kuantitative dhe atyre me efekt të njejtë. Kjo do të arrihet përmes monitorimit
të rregullt të zbatimit të Marrëveshjes mbi Hapësirën për Tregti të Lirë të Evropës Qendrore
(CEFTA) dhe aktivitetet në kuadër të CEFTA-s siç janë: të dhënat e mbledhura në teren nga
bizneset me formularët për barriera tarifore dhe jo-tarifore, pjesëmarrja e nën-grupit në takimet
e CEFTA-s, si dhe organizimi i takimeve të informimit të mbajtura për bizneset vendore.
Faktorë i pandarë është poashtu ngritja e kapaciteteve administrative për realizimin e
negociatave në fushat lidhur me tregtinë. Kjo parashihet të arrihet përmes themelimit të
strukturës përkatëse negociatore e cila do të shërbejë njëherit si mekanizëm për konsultim me
palët e interesuara. Të njejtit do të jenë në gjendje për të ofruar dëshmi se reformat e kërkuara të
cilat rrjedhin si rezultat i tërë procesit të negociatave mund të zbatohen në mënyrë progresive
pas nënshkrimit të MSA-së. Kontribut të shtuar në ekonominë e vendit do të jap stimulimi i
bizneseve për eksportimin e produkteve industriale në vendet e BE-së përmes përfitimeve nga
komuniteti i masave preferenciale autonome (ATM) në vend deri në vitin 2015 pa kufizime
sasiore apo detyrime, e gjithë kjo e realizuar nëpërmjet nën-grupeve për politika tregtare. Pjesë
zhvillimore e mëtutjeshme është infrastruktura e cilësisë si dhe përafrimi i mëjtejmë i kornizës
ligjore me acquis të BE-së. Ngritja e kapaciteteve të personelit poashtu do të bëhet përmes
trajnimeve përkatëse dhe ngritjes së vetëdijes. MTI do të bëjë identifikikimin e përfitimeve dhe
kostot e ndryshimeve në regjime tregtare që rezultojnë nga negociatat me BE-në për të
ndërmarrë angazhime të rëndësishme të cilat pastaj mund të zbatohen.
Tregtia me mallra industriale
Legjislacioni kornizë i tregtisë së mallrave është bazë e infrastrukturës së implementimit të
tregtisë së mallrave industriale. Njëherit, legjislacioni sekondar përkatës është miratur dhe në
kuadër të kësaj janë nxjerrë këto udhëzime administrative: UA Nr. 2005/29 “Për Shenjën e
Konformitetit dhe Paraqitjen Grafike të Saj“. Ky Udhëzim Administrativ është hartuar në
përputhje me Direktivën 93/68/EEC të Bashkimit Evropian dhe duhet të aplikohet nga
prodhuesit. UA Nr. 2005/28 “Rregullat Teknike Për Pajisjet Elektrike të Dizajnuara për
Përdorim në Kufij të Caktuar të Tensioni”, i cili është i harmonizuar me Direktivën e Bashkimit
Evropian Nr.73/23/EEC(LVD). Në bazë të këtij UA inspektohen pajisjet elektrike me tension të
ulët, kryesisht pajisjet elektrike shtëpiake në treg dhe në prodhim.
Institucioni kyç mbi menaxhimin dhe implementimin e politikave të tregtisë së mallrave
industriale është Departamenti i Industrisë në kuadër të Ministrisë së Tregtisë dhe Industrisë, i
përbërë nga Divizionii Zhvillimit të Prodhimit Industriali cili mbikqyrë tregtinë e mallrave
industriale përmes hartimit të strategjive, politikave sektoriale dhe nën sektoriale të integruara
dhe programeve kryesore mbështetëse, si dhe Zyra për Rregulla Teknike e cila mbikqyrë
implementimin e rregullave teknike të mallrave industriale në përputhje me standardet e BE-së.
Megjithatë, përdorimi i pakët i regjimit preferencial tregtar te BE-së nga ana e bizneseve që
merren me lëvizjen e mallërave industriale ka lënë rezultate të deficitit të konsiderueshëm
tregtar të Kosovës. Rrjedhimisht, performanca e përgjithshme e eksporteve të vendit mbetet e
ndjeshme ndaj zhvillimeve në kërkesën e jashtme. Përbërësit kryesor të eksporteve të Kosovës
38