Shqip

planifikuar aprovimin e Ligjit te Përgjithshëm te Sigurimeve dhe Ligjit te Sistemit të Pagesave si
dhe hartimin e legjislacionit sekondar te nevojshëm për ligjet përkatëse.
3. AFTËSIA PËR TË PËRBALLUAR OBLIGIMET QË DALIN NGA MSA-ja
3.1. Dialogu politik
Kosova në masë të madhe ka bashkërenduar politikën e saj të jashtme me atë të BE-së. Kosova
ka në vend te gjitha institucionet relevante për të zhvilluar dialog politik, si dhe për të marr
përsipër obligimet, si dhe për të zbatuar marrëveshjet ndërkombëtare. Dialogu politik në
kuadër të procesit të integrimit evropian do të siguroj që Kosova gradualisht të zhvilloj politika
në përputhje me parimet kryesore te politikës së jashtme të BE-së.
MSA do të ofrojë kornizën për një dialog politik që fokusohet në integrimin, përafrimit gradual,
konvergjencën e mëtejshme të pozitave për çështjet ndërkombëtare, si dhe bashkëpunimi rajonal dhe
marrëdhëniet e mira fqinjësore.
3.2. Bashkëpunimi regjional
Në kuadër të përmirësimit të marrëdhënieve ndër-fqinjësore si dhe në kuadër të bashkëpunimit
rajonal Kosova ka ndërmarr të gjitha hapat e nevojshëm për të siguruar fqinjësi të mirë,
stabilitet rajonal si dhe normalizim të marrëdhënieve ndër-shtetërore me të gjitha shtetet e
rajonit e në veçanti me Serbinë. Kosova ka treguar vullnet dhe përkushtim politik për të hyrë në
dialog me Serbinë me qëllimin e promovimit të bashkëpunimit, dhe përmirësimit të jetëve të
qytetarëve të saj. Ky vullnet dhe përkushtim është vlerësuar lart nga mekanizmat
ndërkombëtarë si dhe nga BE-ja. Në kuadër të dialogut janë arrit një numër i marrëveshjeve
bilaterale me Serbinë që kanë të bëjnë me lëvizjen e lirë të qytetarëve, vulave doganore, njohje
reciproke të diplomave universitare, gjendjes kadastrale për MIK si dhe për bashkëpunim
rajonal. Kosova ka vazhduar të zbatoj në mirëbesim të gjitha marrëveshjet e arritura si dhe është
angazhuar në mënyrë konstruktive gjatë gjithë procesit.
Kosova merr pjesë në nismat për bashkëpunim rajonal si dhe është anëtare e Këshillit për
Bashkëpunim Rajonal që nga viti 2008. Kosova kryen detyrën e saj ndaj Këshillit duke
kontribuar me 4% në shumën totale të buxhetit të vendeve të Evropës Juglindore. Kosova gjatë
vitit 2011 me sukses ka udhëhequr takimet e CEFTA-së, përfshirë takimin ministror të mbajtur
në Nëntor të vitit 2011. Kosova merr pjesë rregullisht në takimet vjetore; Takimet e Bordit
Koordinues Kombëtar dhe në takime tjera sektoriale të Këshillit. Për më tepër, Kosova merr
pjesë në iniciativat e KBR-së: Iniciativa elektronike Juglindore dhe Iniciativa Kabllore e Evropës
juglindore. Kosova gjithashtu merr pjesë në projektin e Komisionit Evropian për Qendrën për
Zhvillimi të Qeverisjes dhe projektin për Monitorimin e Sektorit të Komunikimit dhe
Shërbimeve të Shoqërisë Informative. Ministria e Zhvillimit Ekonomik është anëtare e Traktatit
të Komunitetit të Energjisë dhe rregullisht merr pjesë në mbledhjet e organizuara nga
sekretariati i Komunitetit, siç janë: Këshilli ndërministror, Forumi Permanent i Nivelit të Lartë,
Task Forca e EE-së, Task Forca për Mjedisin, Task Forca për Strategjinë Rajonale për Energji dhe
forume tjera të organizuara nga sekretariati. Gjithashtu, ne kuadër te komponentës së dytë te
IPA-së, Kosova merr pjese ne implementimin e përbashkët te Programeve te Bashkëpunimit
Ndërkufitar me Shqipërinë, Malin e Zi dhe Maqedoninë.
35
Plani i Veprimit për negocimin e Marrëveshjes së Stabilizim-Asociimit