Shqip

Masat për përmbushjen e obligimeve afatshkurtera për fillimin e negociatave për MSA-në
Me qëllim të fillimit të negociatave për Marrëveshjen Stabilizim Asociimi, Studimit i Fizibilitetit
ka identifikuar këto kritere afat-shkurta që duhet përmbushur për të filluar negociatat e MSAsë:
Miratimi i Strategjisë dhe Planit të Veprimit Kundër Korrupsion.
Me qëllim të përmbushjes së kriterit për hapjen e negociatave për Marrëveshjen e Stabilizim
Asociimit, institucionet e Kosovës do të sigurohen që në bashkëpunim dhe koordinim të
ngushtë me EULEX të krijojnë mekanizma koordinues për ngritjen e hetimeve të rasteve të
korrupsionit., si dhe do të merren masa për ngritjen e rezultateve në implementimin e
politikave kundër-korrupsion. Kuvendi i Kosovës do të miratoj Strategjinë Kundër Korrupsion.
Masat për përmbushjen e obligimeve në kuadër të MSA-së
Në kuadër të Marrëveshjes së Stabilizim Asociimi, Kosova duhet të fuqizon më tutje përkushtimin në
përmirësimin e profesionalizmit, efiçiences dhe efektivitetit të administratës publike në të gjitha nivelet, që
është fundamentale për zbatimin e sukseshëm të reformave të të nevojshme në të ardhmen. Qëllimi
përfundimtar i këtyre reformave do të mundësonte funksionimin e mirëfilltë të institucioneve shtetërore
në interes të përgjithshëm të qytetarëve.
Me qëllim të përmbushjes së kërkesave që dalin nga Marrëveshja e Stabilizim Asociimit, institucionet
e Kosovës do të krijojnë hapa konkrete në kompletimin e kornizës ligjore në përputhje me
standardet e BE-së. Ligji për parandalimin e konfliktit të interesit do të ndryshohet duke
adresuar obligimet përkatëse të raportimit. Po ashtu do të Plotësohet/ndryshohet Ligji për
Deklarimin e pasurisë dhe konfliktit të interesit, duke parashikuar ekzekutimin e sanksioneve
më bindëse dhe proporcionale.
Kuvendi do të plotësoj/ndryshoj Ligjiin për Financimin e Partive Politike duke i adresuar
transparencën e donacioneve nga subjektet juridike që sigurojnë mallra dhe shërbime për
administratën publike, si dhe obligimin e partive politike në hapjen e një llogarie të vetme
bankare dhe përcaktimi i afateve në publikimin e raporteve financiare. Po ashtu do të merren
masa për krijimin e një mekanizmi të veçantë të hetimeve në mes të AKK dhe institucioneve
zbatuese të ligjit që do të ndihmojë në forcimin e bashkëpunimit ndërinstitucional në hetimin
dhe gjykimin e rasteve të korrupsionit.
1.1.7. Marrëdhëniet me bashkësinë ndërkombëtare
Kosova ka plotësuar në masë të madhe të gjitha kushtet e dala nga Propozimi Gjithëpërfshirës i
Pakos së Ahtisarit, dhe si rrjedhojë më 10 Shtator 2012 Grupi Drejtues Ndërkombëtar ka
shpallur të përmbyllur fazën e mbikëqyrjes së pavarësisë së Kosovës, dhe të mandatit të Zyrës
së Përfaqësuesit Civil Ndërkombëtar. Megjithatë, Kosova ka arritur pajtim me Bashkimin
Evropian për zgjatjen e mandatit të EULEX-it deri në Qershor të vitit 2014. Në këtë drejtim
Kuvendi ka miratuar Ligjin mbi ratifikimin e marrëveshjes ndërkombëtare mes Republikës së
Kosovës dhe BE-së mbi misionin e EULEX-it për sundim të ligjit në Kosovë. Në Nëntor 2012,
Qeveria e Kosovës dhe Misioni EULEX në takimin e radhës të Bordit të Përbashkët Koordinues
për Sundimin e Ligjit nënshkruan ‘Kompakt Marrëveshjen për Sundimin e Ligjit’ si dhe aprovuan
‘Termat e përditësuara të Referencës’ të cilat vendosin objektivat e përbashkëta në fushën e
sundimit të ligjit si dhe përcaktojnë mandatet e qarta për ndarjen e detyrave.
23
Plani i Veprimit për negocimin e Marrëveshjes së Stabilizim-Asociimit