Create successful ePaper yourself
Turn your PDF publications into a flip-book with our unique Google optimized e-Paper software.
1. KRITERET POLITIKE<br />
1.1. Demokracia dhe Sundimi i Ligjit<br />
1.1.1. Legjislativi<br />
Kushtetuta e Kosovës mishëron parimet dhe vlerat më të larta të demokracisë, duke përcaktuar<br />
rendin kushtetues parlamentar në të cilën Kuvendi luan rolin kryesor ligjvënës si dhe ushtron<br />
rol mbikëqyrës mbi Ekzekutivin. Korniza institucionale për legjislacion dhe kontroll të<br />
ekzekutivit është në vend dhe funksionale. Funksionet e proceseve legjislative si dhe kontrollit<br />
të ekzekutivit ushtrohen përmes Komisioneve Parlamentare, prej të cilave 4 janë Komisione të<br />
përhershme, 9 janë Komisione funksionale, 1 Komision ad-hoc dhe 1 nën-komision i përcaktuar<br />
për mandate, imunitete dhe rregullore të punës. Rol të rëndësishëm në ndërtimin e rendit dhe<br />
funksionimit demokratik ka luajtur Gjykata Kushtetuese, vendimet e së cilës janë respektuar<br />
dhe janë zbatuar me përpikëri nga Kuvendi dhe institucionet tjera. Pas vendimit të Gjykatës<br />
Kushtetuese në vjeshtën e viti 2010, Presidenti i Kosovës dha dorëheqje. Gjykata luajti rol të<br />
rëndësishëm edhe në procesin e rizgjedhjes së Kryetarit të Republikës së Kosovës i cili u<br />
rizgjodh në përputhje me Kushtetutën.<br />
Legjislatura e Kuvendit zgjidhet përmes votës së lirë të qytetarëve, një e drejtë e garantuar me<br />
Kushtetutën e Republikës së Kosovës dhe ligjeve tjera në fuqi. Kuvendi i Republikës së Kosovës<br />
ka miratuar ligjin mbi Zgjedhjet e Përgjithshme (nr. 03/L-073) dhe ligjin për Zgjedhjet Lokale<br />
(nr. 03L-072) të cilat definojnë procedurat e zgjedhjeve për zgjedhjen e organeve qendrore dhe<br />
lokale si dhe të drejtën e votuesit që të votoj. Që nga 2008 janë organizuar një palë zgjedhje të<br />
përgjithshme si dhe dy palë zgjedhje për komunat e Kosovës. Kushtetuta e Kosovës garanton<br />
përfaqësimin etnik si dhe përfaqësimin gjinor në Kuvend. Nga 120 vende në Kuvend, 20 janë të<br />
garantuara për minoritete. Numri aktual i përfaqësimit etnik është 26 deputet apo 21.6%.<br />
Ndërsa 40 janë anëtare femra që përbëjnë 33.3% të numrit total të deputeteve.<br />
Kuvendi në masë të madhe ka forcuar kapacitetet e saj administrative si dhe është përmirësuar<br />
në masë të madhe përgatitja e legjislacionit si dhe mbikëqyrja e Kuvendit. Kuvendi qe nga 2008<br />
e deri me sot ka miratuar 352 ligje.<br />
Megjithatë, mbesin sfida të cilat vështirësojnë funksionimin më adekuat të Kuvendit. Reforma<br />
Kushtetuese dhe ajo Zgjedhore janë të ndërlidhura dhe ngecjet në këtë drejtim shkaktojnë<br />
vonesa në reforma demokratike, në funksionimin e rendit kushtetues si dhe në reformë të<br />
sistemit zgjedhor në Kosovë. Plani Strategjik i Kuvendit 2013-2018, si dhe Rregullorja e Re e<br />
Kuvendit ende nuk janë miratuar. Kapacitetet e Kuvendit për monitorim dhe hulumtime<br />
mbeten të mangëta, sidomos Departamenti i Kuvendit për Çështje Ligjore dhe Procedurale.<br />
Procedura legjislative duhet të forcohet për të siguruar ekspertizë ndër-sektoriale dhe<br />
përputhshmëri me acquis. Koordinimi mes Kuvendit dhe Qeverisë ka nevojë të përmirësohet,<br />
dhe njëkohësisht Kuvendi ka nevojë të rris mbikëqyrjen dhe kontrollin e shpenzimeve<br />
buxhetore të Ekzekutivit. Mungon baza ligjore për statusin e shërbyesve civil e cila në një masë<br />
të madhe do të siguronte pavarësinë e shërbyesve civil si dhe do të rregullonte funksionet dhe<br />
mandatin e shërbyesve civil të Kuvendit.<br />
15<br />
Plani i Veprimit për negocimin e Marrëveshjes së Stabilizim-Asociimit