Strategjia e Zhvillimit të Qëndrueshëm të Komunës ... - UNDP Kosovo

PARATHËNIE
Në shtator të vitit 2000 lider nga 191 shtete të botës kanë nënshkruar Deklaratën
e Mileniumit e cila përmban një numër përkushtimesh të kushtëzuara në kohë
të quajtura Objektivat e Zhvillimit të Mileniumit (OZHM). OZHM-të përfaqësojnë
një grup objektivash kohore, të matshme që shërbejnë si “thirrje për veprim”
për të gjithë popujt.
Komuna e Gjakovës është komuna e parë në Kosovë që i është përkushtuar kësaj
agjende globale dhe që nga viti 2004 e aprovoi vizionin e saj afatgjatë për tu
bërë komunë udhëheqëse në Kosovë në arritjen e OZHM-ve deri ne vitin 2015
përmes hartimit të dokumentit të Strategjisë së Zhvillimit Ekonomik Lokal të
komunës së Gjakovës që është aprovuar edhe nga Asambleja Komunale.
Strategjia e reviduar që vjen si rezultat i një pune relativisht të gjatë të tri grupeve
të interesit, si Shoqërisë Civile, Biznesit Privat dhe Qeverise Lokale, përfshinë
OZHM-të e definuara globalisht, caqet dhe treguesit duke i adaptuar ato
për të reflektuar sfidat dhe mundësitë e komunës dhe duke na ofruar një plan
të përgjithshëm mbi realizimin e vizionit të komunës. Posaçërisht na ofron një
përmbledhje të përgjithshme analitike të nivelit të tanishëm të zhvillimit lokal
të ndërlidhura me OZHM-të e zgjedhura në Gjakovë dhe na ofron një rrugë për
të ecur përpara.
Strategjia është reviduar duke u bazuar ne të dhënat dhe analizat e fundit siç
është Raporti i zhvillimit njerëzor te Kosovës 2004, Vlerësimi i Varfërisë nga
Banka Botërore, strategjitë sektoriale dhe dokumente dhe hulumtime tjera relevante.
Ne vlerësojmë lartë dhe i jemi mirënjohës UNDP dhe organizatat tjera të KBsë
si UNICEF, UN-HABITAT, UNIFEM, FAO dhe UNV për udhëheqjen dhe
ekspertizën teknike të tyre, Qeverisë Norvegjeze UNDP-së dhe Programit të
Vullnetarëve të KB-së për kontributin e tyre financiar. Gjithashtu falënderojmë
CBDC-në dhe FID-in, dy OJQ vendore nga Gjakova për përkrahjen teknike, angazhimin
dhe kontributin e tyre dhënë këtij procesi.
Participimi i larte i partnerëve relevant, ekspertëve dhe qeverisë lokale është
gjithashtu karakteristikë e kësaj strategjie. Një pjesëmarrje kaq e gjerë më obligon
dhe inkurajon mua dhe asamblenë komunale për ti dhënë përkrahje intensive
implementimit të strategjisë për të lëvizur nga nocioni se implementimi
është detyrë e vetëm disave, në atë ku çdokush e gjen veten si një aktor për
zhvillimin e komunës.
Prandaj ky dokument le të jetë një apel dhe një ftesë e hapur për të gjithë ata që
kanë vullnet, dëshirë dhe mundësi të ndihmojnë dhe investojnë në Zhvillimin e
Komunës së Gjakovës
Hajdar Grezda
Kryeshef i Ekzekutivit
Komuna e Gjakovës