Strategjia e Zhvillimit të Qëndrueshëm të Komunës ... - UNDP Kosovo

Tabela 4.2: Qasja në qendrat shëndetësore
Komuna Qendra më e afërt shëndetësore është më larg se 5km. %
Prishtina 0.41
Gjakova 7.97
Skenderaj 27.81
Kosova 8.125
Zona rurale 14.23
Zona urbane 0.69
Burimi: UNDP, “Raporti i Zhvillimit Njerëzor – Kosova 2004”
Sektori privat shëndetësor
Sektori privat shëndetësor kryesisht është i organizuar në ambulanca të vogla
të specializuara me nga 1 apo 2 specialistë dhe të pajisura më mjetet më të domosdoshme
për punë. Më të shumta janë ambulancat private stomatologjike, që
punësojnë me shumë se një stomatolog.
Ne sektorin farmaceutik ekzistojnë 18 barnatore private dhe 2 barnatore publike.
Furnizimi me barna kryesisht është i kënaqshëm, sidomos në barnatoret private,
ku llojshmëria dhe cilësia e medikamenteve është më e mirë.
Mangësitë kryesore
Megjithëse procesi i reformës në shëndetësi në Komunën e Gjakovës ka arritur
rezultate të dukshme, cilësia e pamjaftueshme e shërbimit shëndetësor mbetet
pengesa kryesore për të arritur standarde bashkëkohore në kujdesin shëndetësor,
veçanërisht kur është fjala për kujdesin ndaj nënës dhe fëmijës. Cilësia e shërbimit
lidhet veçanërisht me këta faktorë:
(i) Cilësia dhe shpërndarja e personelit shëndetësor – Megjithëse cilësia e personelit
shëndetësor vlerësohet si adekuate, mbetet shumë për të bërë për
përshtatjen e tyre me metodat bashkëkohore të diagnostikimit dhe mjekimit.
Kjo duhet bërë sidomos për personelin që shërben në zonën rurale. Kështu,
vihet re se shkathtësitë joadekuate dhe të pamjaftueshme të potencialeve
njerëzore, ndikojnë në tejmbushjen e repartit gjinekologjik dhe obstetrik në
Gjakovë, ku një numër i madh shtatzënash vijnë prej rajoneve qe nuk kanë
maternitete të veta. Në spitalin e Gjakovës vijnë pacientë nga rrethet e Pejës,
Klinës, Rahovecit, Malishevës dhe pjesës veriore te Shqipërisë, nga Bajram
Curri dhe nga malësia. Në këto kushte vihet re se personeli dhe pajisjet e
këtij materniteti nuk i përballojnë dot të gjithë vizitorët e rajonit. Po kështu,
është problem mungesa e neonatologëve në nivelet dytësore dhe tretësore
të kujdesit shëndetësor. Numri i infermiereve dhe mamive është, gjithashtu,
i tepërt por rishpërndarja e tyre është më se e nevojshme. I njëjti problem
është me gjinekologët dhe obstetrit. Numri i tyre është i mjaftueshëm,
madje i tejkalon nevojat, por shpërndarja e tyre nuk është adekuate dhe kjo
ndikon në funksionimin jo të plotë të disa materniteteve, për shkak se ato
nuk kanë fare gjinekolog ose kanë më pak sesa duhet.
(ii) Mungesa e pajisjeve adekuate - Cilësia e shërbimeve të kujdesit shëndetësor
ndikohet, gjithashtu, nga pajisjet mjekësore. Në përgjithësi maternitetet
në komunë i kanë pajisjet obstetrike më themelore. Sidoqoftë, ka mungesë
të pajisjeve teknologjike specifike, por që janë të domosdoshme për kujdesin
parësor dhe dytësor shëndetësor. Kështu, ka mungesë të inkubatorëve
në nivelet dytësore të kujdesit shëndetësor, ndërkohë që ka tepricë të tyre
dhe nuk përdoren në nivelet parësore të kujdesit shëndetësor. Kjo kërkon
vlerësim të mëtejshëm të gjendjes dhe rishpërndarje të tyre.
(iii) Mungesa e një qendre për trajtimin e diabetit – Bazuar në problemin e
shfaqur tek komuniteti, është më se e domosdoshme që të ndërtohet një
qendër për trajtimin e diabetit sidomos për pensionistët me diabet.
STRATEGJIA E ZHVILLIMIT TË QËNDRUESHËM TË KOMUNËS SË GJAKOVËS
71
4
SHËNDETI I NËNËS DHE FËMIJËS