Strategjia e Zhvillimit të Qëndrueshëm të Komunës ... - UNDP Kosovo

2
ARSIMIMI
48 STRATEGJIA E ZHVILLIMIT TË QËNDRUESHËM TË KOMUNËS SË GJAKOVËS
Raporti mësues/nxënës në Komunën e Gjakovës është 23.22, kundrejt 20.47 që
është vlera mesatare e këtij treguesi në Kosovë dhe 20.62 në Prishtinë. Duhet
thëne se me këtë vlere Komuna e Gjakovës renditet e treta në Kosovë, pas komunës
së Ferizajt qe ka 29.54 nxënës për çdo mësues dhe Komunës Dragash që
ka 23.66 nxënës për çdo mësues. Megjithatë përkushtimin e mësuesve, cilësia e
mësimdhënies nuk i përgjigjet sa duhet kërkesave në rritje të kohës, aq më tepër
tendencës së qartë të modernizimit të përmbajtjes së lendeve. Organizimi i një
sistemi kualifikimi për mësuesit, veçanërisht për mësuesit e arsimit të mesëm,
konsiderohet si një nevoje prioritare për rritjen e cilësisë së arsimimit.
2.7 Vizioni i ndryshimit
Çështja e arsimimit në Komunën e Gjakovës, sikundër në të gjithë Kosovën, konsiderohet
prioritare dhe autoritetet vendore së bashku me MASHT synojë t’u
ofrojë arsimim cilësor tërë jetësor të gjithë qytetarëve të Kosovës, ne mënyre që
ata të kenë kushte të përvetësojnë të gjitha njohuritë dhe shkathtësitë e nevojshme,
iniciativën ndërmarrëse dhe pavarësinë individuale që të përballen me
sukses me ndryshimet e shpejta shoqërore dhe ekonomike, si dhe me përparimet
shkencore e teknologjike.
Objektivat strategjike të arsimit fillor e të mesëm
Në sistemin e arsimit fillor e të mesëm synohet që, në një periudhë 10 vjeçare (2005-
2015) te arrihen këto objektiva: (i) Definimi i qartë i rolit të arsimit parashkollor; (ii)
Trajtimi specifik i fëmijëve me nevoja për arsim të veçantë; (iii) Identifikimi i nevojave
dhe sigurimi i arsimit joformal; (iv) Zgjerimi i hapësirës për arsimin priva; (v) Zhvillimi
i standardeve për vlerësim, për mësimdhënie dhe mësimnxënie; (vi) Zhvillimi i
plan-programit të ri mësimor; (vii) Pranimi dhe aftësimi i potencialit njerëzor; (viii)
Zhvillimi i një infrastrukturë e plotë dhe funksionale; dhe (ix) Përfshirja e prindërve në
qeverisjen e shkollës.
Për t’ju përgjigjur këtyre kërkesave dhe për të përafruar sistemin e arsimit të
Kosovës me atë të Bashkimit Europian, një reforme e plotë arsimore është projektuar
dhe ka filluar të zbatohet në Kosovë, e cila ndikon drejtpërdrejt edhe në
sistemin e arsimit të Komunës së Gjakovës. Unifikimi i sistemit të arsimit, sigurimi
i hapësirës së nevojshme shkollore, sigurimi i arsimimit për të gjithë, arritja
e rezultateve të pranueshme të nxënësit në të gjitha nivelet e shkollimit në
përputhje me standardet ndërkombëtare, inkurajimi i prindërve dhe i shoqërisë
në përgjithësi në mbështetje të arsimit dhe informimi i publikut për rezultatet
dhe vështirësitë në sistemin e arsimit, janë komponentët kryesorë përbërëse të
kësaj reforme.
Objektivat strategjikë të arsimit të lartë
Në sistemin e arsimit të lartë synohet që, në një periudhë 10 vjeçare (2005-2015)te arrihen
këto objektiva: (i)Të hartohet dhe zbatohet një politikë arsimore bashkëkohore,
gjithëpërfshirës, duke bërë edhe plotësimet përkatëse të legjislacionit;(ii) Të ngrihet
sistemi i menaxhimit të cilësisë; (iii) Të ngrihet kapaciteti për punë kërkimore-shkencore;
(iv) Të krijohen mekanizma për sigurimin dhe menaxhimin e efektshëm të burimeve
dhe mjeteve financiare për zhvillimin e arsimit të lartë; dhe (v)Të zhvillohet një
infrastrukturë e plotë dhe funksionale.
Institucionet e arsimit në Komunën e Gjakovës kanë vënë si qëllim të sigurojnë
arsimim cilësor gjate tërë jetës, i cili do të jetë i pranueshëm për të gjitha moshat
e nxënësve dhe studentëve, në mënyrë që individi ta shfrytëzojë tërë potencialin
e vet intelektual në përparimin shkencor e për këtë qëllim, në arsimin teknologjik
dhe social- ekonomik të komunitetit. Në arsimin fillor dhe të mesëm synohet qe: