Strategjia e Zhvillimit të Qëndrueshëm të Komunës ... - UNDP Kosovo

Degët teknike dhe ekonomike janë degët më të preferuara, të cilat dallohen për
numrin e madh të nxënësve. Ato dominohen nga meshkujt në një raport meshkuj/femra
rreth 1.37/1. Ky raport është i përmbysur në rastin e shkollës mjekësore
dhe tregon preferencën e madhe të femrave për profesionin e infermieres.
Reformat në shkollat e mesme, veçanërisht në ato profesionale, kanë qenë shumë
të kufizuara. Kjo lidhet në radhë të parë më përpjekjet e pakta për rritjen e shkallës
së kualifikimit të mësuesve. Mësuesit kanë vijuar disa kurse trajnimi në lidhje
me metodat e reja mësimore, mirëpo metoda e mësimdhënies mbetet ende mjaft
teorike dhe me orientim kah mësimdhënësi si subjekt. Pajisjet dhe mjetet bashkëkohore
të konkretizimit në klasa dhe laboratorët për mësimet praktike mungojnë.
2.5 Arsimi i lartë
Realiteti i ri politik, ekonomik, shoqëror, kulturor dhe kërkesat e sfidat e integrimit
evropian diktojnë nevojën për transformim, reformim dhe zhvillim të arsimit
të lartë. Treguesit e arsimit të lartë në Kosovë flasin qartë për një gjendje jo
të kënaqshme: përqindja e studentëve në raport me popullsinë e moshës 18-25
vjeçare për vitin akademik 2003-2004 është vetëm 12%.
Në Komunën e Gjakovës është aktive Shkolla e Lartë Pedagogjike “Bajram Curri”
ndërsa në vitin 2002/2003 është hapur edhe Fakulteti i Edukimit, ku janë të
përfshira këto drejtime: (i) Arsimi fillor; (ii) Gjuhë dhe Letërsi Shqipe; (iii) Informatikë
–Teknologji; (iv) Biologji-Kimi; (v) Histori-Edukatë Qytetare; dhe (vi)
Gjeografi-Edukatë Qytetare. Numri i kufizuar i studenteve që vijojnë këto degë,
për shkak të kapacitet të pranimit të këtyre shkollave, si dhe kufizimi i tyre në
pak degë, bëjnë që shumë studentë nga Gjakova të vijojnë Universitetin e Prishtinës,
Universitet tjera ne vend ose Universitete të tjera jashtë Kosovës. Të dhëna
të sakta për këta studente mungojnë, por gjithsesi ky numër nuk mund të jetë
shumë i madh sepse niveli ekonomik i shumicës së familjeve nuk i përgjigjet dot
shpenzimeve të domosdoshme për këto raste.
2.6 Problemet kryesore të sistemit arsimor
Vijimi i shkollës nga nxënësit, cilësia e arsimimit, dinamika e lëvizjes së popullsisë në
shpërputhje të theksuar me dinamikën e ndërtimit të objekteve shkollore, mbingarkimi
i shkollave në zonat urbane, udhëtimet e gjata në këmbë të nxënësve për të
shkuar në shkollë, zhvillimi i mësimit në 3 - 4 ndërrime, rritja e numrit të popullsisë
në zonat urbane, mungesa e mjeteve financiare; mungesa e hapësirës së mjaftueshme
shkollore; mungesa e pajisjeve mësimore dhe të teknologjisë së informimit,
si dhe mjediset e papërshtatshme të objekteve shkollore konsiderohen si problemet
më kryesore me të cilat përballet sot sistemi arsimor në Komunën e Gjakovës dhe në
gjithë Kosovën.
Vijimi
Vijimi i shkollimit është i lartë në arsimin fillor. Fakti që në vitin 2003 rreth 95.4%
e fëmijëve të moshave 7-15 vjeç vijonin arsimin fillor tregon se interesi i familjeve
për arsimimin e fëmijëve është rritur. Tendenca e rritjes së vazhdueshme të vijimit
të arsimit fillor tregon qartë se janë te gjitha mundësitë për të siguruar pjesëmarrje
të plote në këtë nivel arsimor.
Problemi kryesor, në këtë aspekt, është rënia e menjëhershme e vijimit në arsimin
e mesëm. Fakti qe ne vitin 2003 numri i fëmijëve të moshave 16-19 vjeç, që
vijonin arsimin e mesëm ishte 75.2 %, tregon se ka vend për masa të gjithanshme
STRATEGJIA E ZHVILLIMIT TË QËNDRUESHËM TË KOMUNËS SË GJAKOVËS
45
2
ARSIMIMI