Sælureitur - Húsasmiðjan

Blómaskel
Blá, fín granít, 6-7 manna
Heildarbreidd 194x194 cm
Dýpt í miðju 82,5 cm, dýpt að
setbekk 56 cm
Vnr. 8070617
Verð er að finna á
www.husa.is, sjá bls. 3
72
Heitir pottar
Heitur pottur er frábær viðbót við pallinn, hvort sem er við heimahús eða sumarbústaði.
Hægt er með einföldum hætti að koma honum fyrir. Í megin atriðum er um tvær gerðir
potta að ræða, rafhitaða potta sem eru með öllum búnaði og skeljar, sem tengdar eru
við heitt vatn, sem settar eru niður í pallinn eða stéttina. Skeljar geta verið með eða án
nudds.
Samkvæmt byggingarreglugerð má ekki fella potta að fullu niður í pallinn eða jörð vegna hættu fyrir
smábörn. Því þarf að ganga þannig frá niðurfelldum pottum að þeir sitji vel og örugglega og ganga
síðan frá þeim hluta sem stendur upp úr jörð eða palli. Sé pottur felldur niður í pall eða stétt verður
efri brún að standa hið minnsta 40 sm upp úr pallinum eða stéttinni. Samkvæmt byggingarreglugerð
verður heitur pottur að vera með læsanlegu loki.
Áður en heitum potti er valinn staður verður að huga að því að hann liggi vel við sól, ef þess er kostur,
en þó án þess að taka upp besta sólbaðssvæðið. Einnig þarf að hyggja að lagnaleiðum fyrir að- og
frárennsli ef um skeljar er að ræða. Margir vilja skerma pottinn af og njóta þess í næði að slaka á
í pottinum. Þó ber að hafa í huga að það flokkast undir öryggisatriði að hægt sé að fylgjast með
pottinum frá húsinu um eldhús- eða stofuglugga, ef börn eru á heimilinu, en rétt er að undirstrika að
minni börn noti aldrei heita potta án aðgæslu fullorðinna.