Sælureitur - Húsasmiðjan

Gabion
-skjólveggir úr grjóti í netgrindum
Fyrir þá sem vilja öðru vísi skjólveggi, eru
skjólveggir úr grjóti sem hlaðið er inn í netgrind
kannski kosturinn. Slíkir veggir, kallaðir Gabion á
flestum erlendum tungumálum, eru í raun kassar
úr vírneti sem fyllir eru með grjóti af ýmsum
stærðum. Best er að nota brotagrjót, því það
læsist betur saman og myndar því betri heild og
meiri styrk.
Slíkar grjóthleðslur hafa verið notaðar í mörg ár
til að styrkja árbakka, varna broti vegna ágangs
sjávar, til að búa til stoðveggi og veggi til
hljóðvarna við þjóðvegi.
Svona vírnetsgrjóthleðsla þarf að standa á
góðu undirlagi, og er hægt að byggja sjálfstæða
skjólveggi í allt að 180 sentímetra hæð. Það er
fyrst og fremst þyngdin sem heldur veggnum á
sínum stað. Einn rúmmetri af svona vegg vegur
á bilinu 750 til 900 kíló. Í raun er hægt að nota
hvaða jarðefni sem er í fyllingu, en veggi sem á
að nota sem stoðveggi og eiga að vera hærri en
1 metri á að fylla með grjóti. Það er erfiðara að fá
fallega áferð með stærri steinum, og því er mælt
með steinastærð á bilinu 100 til 200 mm til að fá
fallega áferð.
60
Netkassarnir koma ósamsettir en þeim er læst
saman á köntunum með því að lásteini er rennt í
lykkjur sem læsa brúnum kassans saman. Byrjað
er á að læsa fjórum hliðum á botnplötuna, þeim
er læst saman á hornunum og þannig verður til
vírnetskassi opinn að ofan. “Kassinn” er fylltur með
grjóti, lokinu læst á með sama hætti og botninum
og síðan er næstu hæð bætt ofan á. Útkoman er
sléttur grjótveggur, sem sameinar náttúrulegt útlit,
mikinn styrk og er fyrst og fremst öðru vísi.
PROVA handrið
Prova handrið er nýr valkostur hjá Húsasmiðjunni
í handriðum fyrir palla, svalir og stiga. Handriðin
eru þrautreynd og smíðuð samkvæmt ströngustu
öryggisstöðlum. Val er á handriðalistum úr tré
eða húðuðu áli, sem líkist stáli, en er aðeins
einn fjórði þyngdar miðað við stál. Milliteinar eru
úr ryðfríu stáli. Ýmsir smáhlutir til samsetningar
og festinga eru úr áli og eru lakkaðir í RAL lit
9006. Allir hlutar kerfisins henta jafn til notkunar
innanhúss og utan. Prova-kerfið er byggt upp af
einingum sem eru mjög auðveldar í samsetningu.
Á svölum og pöllum er hægt að bæta plötum úr
plexigleri sem vörn gagnvart vindi og sem eykur
um leið öryggi barna. Sjá nánar á heimasíðu:
www.provasystem.com, en þar er hægt að raða
saman mismunandi gerðum og lausnum.
Aðeins er um að ræða sérpantanir. Hafið
samband við ráðgjafa í Timburmiðstöð
Húsasmiðjunnar í Grafarholti, sem veita
nánari upplýsingar, sími 520 3900.
Þar er einnig hægt að sjá sýnishorn af
uppsettum veggjaeiningum.