Sælureitur - Húsasmiðjan

Dæmigerður frágangur á hitaleiðara í þakrennu.
Nánari upplýsingar um rafhitun á
rennum og niðurföllum, og rafhitun
gólfa veitir Ískraft, Smiðjuvegi 5
í Kópavogi, sími 535 1200 eða sjá
nánar heimasíðu Ískrafts:
www.iskraft.is
58
Rafhitun á þakrennum og niðurföllum
Margir þekkja að í umhleypingasömu veðri á Íslandi vilja þakrennur og niðurföll oft stíflast af völdum
þess að vatn og krapi frýs og stíflar niðurfallið. Við þessu er sú einfalda leið að setja hitaleiðara í
rennuna og efst í niðurfallsrörið.
Ein útgáfan er að hafa kveikt á svona hitaleiðara yfir vetrartímann og slökkva á sumrin, en hagkvæmari
leið er að tengja viðeigandi hitastilli með hitanema, sem stýrir því hvenær hiti er á leiðaranum.
Sá hluti leiðarans sem leiddur er í niðurfallið er oft festur við keðju sem tryggir að hitaleiðarinn hangi
kyrr á sínum stað. Festiklemmur eru hafðar með 25 sm millibili.
Svipaðir hitaleiðarar, með eða án hitastillis eru notaðir til að frostverja vatnsinntök.
Verð er að finna á
www.husa.is, sjá bls. 3
Rafhitun á gólfhita
Gólfhitun húsa hefur rutt sér mjög til rúms á undanförnum árum, og er yfirleitt þá verið að ræða um
að nota hitaveituvatn, eða vatn frá forhitara sem leitt er um pípur um gólfið undir gólfklæðningu.
Ekki eru allir með aðgengi að heitu vatni eða með aðstæður til að nýta sér slíka gólfhitun, og þá er
sá valkostur í boði að setja rafhitun undir gólfklæðningu. Dæmi um slíkt er að setja hitamottu undir
flísalögn í baðherbergi sem tryggir bæði jafna og góða upphitun á herberginu og samhliða er gólfið
heitt og þornar því fyrr.